អ៊ីរ៉ង់ នៅក្នុងវគ្គទី១ គេអាចស៊ុតទម្លាយសំណាញ់ទីឥណ្ឌូណេស៊ីរហូតទៅដល់ ៣គ្រាប់ពោលនៅនាទី២ រកបាន២គ្រាប់ដោយខ្សែប្រយុទ្ធ Saeid Ahmadabbasi និងខ្សែបម្រើ Moslem Oladghobad ចំណែកគ្រាប់ទី៣ ធ្វើបានដោយខ្សែបម្រើ Mehdi Asadshir នៅនាទី៩។ ចូលដល់វគ្គទី២ អ៊ីរ៉ង បន្ថែម២គ្រាប់ទៀតពោលនៅនាទី២២ ស៊ុតបញ្ចូលទីដោយខ្សែប្រយុទ្ធ Saeid Ahmadabbasi និងនាទី២៤ បញ្ចប់ទីដោយប្រធានក្រុម Hossein Tayyebi។

 

ចំណែកលីបង់ បានត្រឹមស្មើជាមួយឆាយនីសតៃប៉ិ ១-១។ សម្រាប់ឆាយនីសតៃប៉ិ រកគ្រាប់បាល់បានដោយខ្សែបម្រើ Haung Wei-Lun បញ្ចប់ទីជើងស្តាំនៅនាទី១៣ ហើយលីបង់តាមពីក្រោយនាំគ្រាប់បាល់តាមស្មើដោយខ្សែការពារ Hammoud ធ្វើបាននៅនាទី១៨។ បញ្ចប់ការប្រកួតក្រុមទាំងពីរចែកគ្នាម្នាក់១ពិន្ទុ។

 

រីឯពូល D វៀតណាមបង្កើតព្យុះភ្លៀងដោយបំបាក់ក្រុមកូរ៉េខាងត្បូង ៥-១ ក្នុងជំនួបសន្សំពិន្ទុវិលជុំ។ ត្រឹមនាទី១ក្នុងវគ្គទី១ កូរ៉េខាងត្បូង បើកការនាំមុខ១គ្រាប់ធ្វើបានដោយខ្សែការពារ Shin Hong-hoon តែវៀតណាម វាយបកមកវិញដល់ទៅ៥គ្រាប់ដោយគ្រាប់ទី១ បាល់បង្ករកំហុសចូលទីខ្លួនឯងដោយកីឡាករ Shin Hong-hoon នៅនាទី២។ ខ្សែប្រយុទ្ធTran Thai Huy រកបាន២គ្រាប់នៅនាទី១៥ និង៣៤ និង២គ្រាប់ទៀតធ្វើបានដោយខ្សែបម្រើ Pham Duc Hoa នៅនាទី១៧ និង៣៥។

 

រីឯក្រុមស៊ាំម៉ូរ៉ៃជប៉ុន បាត់បង់៣ពិន្ទុក្រោយចាញ់ អារ៉ាប៊ីសាអូឌីត ២-១។ ជប៉ុន រកគ្រាប់បាល់បានដោយខ្សែការពារ Crepaldi នៅនាទី៣ និងនាទី១-១ អារ៉ាប៊ីសាអូឌី វាយបកមកវិញតាមស្មើធ្វើបានដោយកីឡាករ Al- Harthi និងគ្រាប់ទីពីរសម្រាប់ក្រុមបញ្ចប់ទីជើងឆ្វេងដោយខ្សែបម្រើ Fqihe នៅនាទី១៥។

 

បញ្ចប់ការប្រកួតពូល C អ៊ីរ៉ង់ឈរលេខ១ មាន៣ពិន្ទុតាមពីក្រោយដោយឆាយនីសតៃប៉ិ និងលីបង់មានម្នាក់១ពិន្ទុ ចំណែកពូល D វៀតណាម លេខ១ មានពិន្ទុស្មើ អារ៉ាប៊ីសាអូឌីត តែវៀតណាម មានផលចំណេគ្រាប់បាល់៤៕