លោក ​កែវ រ៉េមី ប្រធាន​គណៈកម្មាធិការ​សិទ្ធិមនុស្ស​កម្ពុជា និងជា​ប្រធាន​ដឹកនាំ​ការងារ​របស់ (​អាយឆា​) នឹងជួបខាងអង្គការសហប្រជាជាតិ ដើម្បីពិភាក្សាលើកិច្ចសហប្រតិបត្តិការទ្វេភាគី លើកិច្ចការពារ និងលើកកម្ពស់សិទ្ធិមនុស្សនៅតំបន់អាស៊ាន។ 

 

ជាមួយគ្នាដែរ កិច្ចប្រជុំពិសេសលើកទី២ ប្រចាំឆ្នាំ២០២២របស់អាយឆា ក៏នឹងពិនិត្យ និងពិភាក្សា លើសកម្មភាពអាទិភាពរបស់អាយឆា ឆ្នាំ២០១៩-២០២២ អាទិភាពរបស់អាយឆា ពីឆ្នាំ២០១៤-២០២២ ។ ជាពិសេសបច្ចុប្បន្នភាព រួមទាំងរបាយការណ៍សកម្មភាពនានា និងឯកសារសំខាន់ៗមួយចំនួនទៀត។

 

នៅចុងបញ្ចប់នៃកិច្ចប្រជុំពិសេសលើកទី២ ក៏នឹងមានពិធីប្រគល់តួនាទីជាប្រធានអាយឆា ឆ្នាំ២០២៣ ទៅតំណាងឥណ្ឌូណេស៊ីប្រចាំអាយឆា។ កម្ពុជានឹងធ្វើជាម្ចាស់ផ្ទះរៀបចំពិធីអបអរសាទរខួបលើកទី១០ នៃសេចក្តីប្រកាសសិទ្ធិមនុស្សអាស៊ាន និងសេចក្តីថ្លែងការណ៍ភ្នំពេញ ស្ដីពីការអនុម័តសេចក្ដីប្រកាសសិទ្ធិមនុស្សអាស៊ាន ថ្ងៃទី១៨វិច្ឆិកា ៕