ជាតិ
១១ខែ គ្រឹះស្ថានអង្គរ រកចំណូលបានជាង ៩លានដុល្លារកើនជាង២ពាន់ភាគរយ ទិដ្ឋភាព ភ្ញៀវទេសចរដើរកម្សាន្តនៅអង្គរ
×
ដោយ៖ សែម ប្រាក់ដាវ
ភ្នំពេញ៖ ក្នុងរយៈពេល១១ខែឆ្នាំ២០២២ មានទេសចរអន្តរជាតិប្រមាណ ២២ម៉ឺននាក់បានទិញសំបុត្រចូលទស្សនារមណីយដ្ឋានអង្គរ។ ចំនួនទេសចរអន្តរជាតិទាំងនេះ បានផ្ដល់ជាង ៩លានដុល្លារដល់គ្រឹះស្ថានអង្គរ។
គិតចាប់ពីខែមករា ដល់ខែវិច្ឆិកាឆ្នាំ២០២២ មានភ្ញៀវទេសចរចំនួន ២២៥ ១៩១នាក់ បានទិញបណ្ណទស្សនានៅរមណីយដ្ឋានអង្គរ ដែលស្មើនឹង ៩ ០១២ ៨៥២ដុល្លារ កើន២២៣៦,៧៨ភាគរយ ធៀបនឹងឆ្នាំ២០២១។ ចំណូលជាង ៩លានដុល្លារដែលគ្រឹះស្ថានអង្គរទទួលបាន ត្រូវបានបរិច្ចាគទៅកាន់មន្ទីរពេទ្យគន្ធបុប្ផាចំនួន ៤៥០ ៣៦២ដុល្លារ។ នេះបើតាមសេចក្ដីប្រកាសព័ត៌មានរបស់គ្រឹះស្ថានអង្គរ ចេញផ្សាយថ្ងៃទី១ ធ្នូ។
ក្រៅពីចំណូលនៅរមណីយដ្ឋានអង្គរ គ្រឹះស្ថានអង្គរក៏បង្ហាញចំណូល និងចំនួនទេសចរនៅប្រាសាទកោះកែរផងដែរ។ រយៈពេល១១ខែនេះ ប្រាសាទកោះកែរ រកចំណូលបាន ៦៧ ៩៦៥ដុល្លារពីទេសចរ ៤ ៥៣១នាក់៕
Tag:
ThmeyThmey25
គ្រឹះស្ថានអង្គរ
© រក្សាសិទ្ធិដោយ thmeythmey.com