លោក ហែម គិរី អគ្គលេខាធិការសហព័ន្ធខ្មែរកីឡាហែលទឹក ជាប្រធានប្រតិភូ ជាមួយលោក ចេង ពិរោទ គ្រូបង្វឹក ត្រូវដឹកនាំកីឡាករ-កីឡាការិនី៤នាក់ចូលរួមការប្រកួតកីឡាហែលទឹកជើងឯកអាស៊ីអាគ្នេយ៍លើកទី៤៤។ អត្តពលិក៤នាក់រួមមាន កីឡាករ លឹម សុខវឌ្ឍន៍នន្ទ, កីឡាករ ទួន ទិត្យសត្យា, កីឡាការិនី កាំង មុយនីន និងកីឡាការិនី ឡាប្លាណេតា កាឡាទេវីម៉ារ៉ាជីនីម៉ារី។

 

ព្រឹត្តិការណ៍ការប្រកួតជើងឯកយុវជន អាស៊ីអាគ្នេយ៍លើកទី៤៤ ឆ្នាំ២០២០ នេះគឺត្រូវប្រកួតតាំងពីយូរ តែដោយសាតបញ្ហាវិបត្តិកូវីដ-១៩ ទើបបណ្តាលឱ្យមានការពន្យាពេល និងបានលើកមករៀបការប្រកួតនៅក្នុងឆ្នាំ២០២២ វិញបន្ទាប់ពីស្ថានការនៃជំងឺកូវីដ-១៩ បានធូរស្បើយ។

 

លោក ហែម គិរី និយាយថា៖«កម្មវិធីប្រកួតកីឡាជើងឯកយុវជន អាស៊ីអាគ្នេយ៍លើកទី៤៤ ឆ្នាំ២០២០ តាមពិតត្រូវធ្វើតាំងពីឆ្នាំ២០២០ តែដោយសារកូវីដ-១៩ បានជាមិនអាចរៀបចំធ្វើ ទើបពន្យារហូតមកដល់២០២២ នេះ»។ លោក ហែម គិរី ប្រាប់សារព័ត៌មានថ្មីៗដូច្នេះតាមសារអេឡិចត្រូនិក(Telegram)នៅថ្ងៃទី១៤ ខែធ្នូ។

 

គួរបញ្ជាក់ ប្រតិភូ គ្រូបង្វឹក កីឡាករ-កីឡាការិនីកីឡាហែលទឹកជម្រើសជាតិកម្ពុជា ចេញទៅចូលរួមប្រកួតព្រឹត្តិការណ៍ការប្រកួតជើងឯកយុវជន អាស៊ីអាគ្នេយ៍លើកទី៤៤ ឆ្នាំនៅថ្ងៃទី១៥ ខែធ្នូ ឆ្នាំ២០២២៕