ជាតិ
ខែកុម្ភៈ ទើបសម្តេច ហ៊ុន សែន ជួបសិស្សនិទ្ទេស A ជាង១០០០នាក់ ដោយសារជាប់បញ្ជាទិញ Ipad
× សម្តេចនាយករដ្ឋមន្ត្រី ហ៊ុន សែន នាពិធីបើកការដ្ឋានសាងសង់លើកម្រិតគុណភាពផ្លូវជាតិលេខ៤១ ថា សម្តេចនឹងជួបសិស្សនិទ្ទេស A ១០៤៩នាក់ក្នុងការប្រឡងសញ្ញាបត្រមធ្យមសិក្សាទុតិយភូមិ នាខែកុម្ភៈ ខាងមុខ។ សម្តេចបានបញ្ជាក់ថា ការពន្យាពេលរហូតដល់ខែកុម្ភៈ ឆ្នាំក្រោយ ព្រោះជាប់បញ្ជាទិញ Ipad សម្រាប់សិស្សឆ្នើមទាំងនោះ។
សម្តេច ហ៊ុន សែន ក៏បានលើកទឹកចិត្តអាជ្ញាធរខេត្ត ផ្តល់ការលើកទឹកចិត្តដោយឡែកដល់សិស្សឆ្នើមផងដែរ ដូចជាករណីអភិបាលខេត្តកំពង់ស្ពឺផ្តល់ម៉ូតូដល់ជ័យលាភីនិទ្ទេស A ទាំង២២នាក់។ ទោះបីជាយ៉ាងណាក៏ដោយ សម្តេចបានស្នើកុំឲ្យមានការផ្តោតនិទ្ទេស ជាពិសេស លើការសម្រេចជោគវាសនាអនាគត។
© រក្សាសិទ្ធិដោយ thmeythmey.com