ជាតិ
របាយការណ៍៖ ស្ថាប័នជំនាញកំពុងបន្តដោះស្រាយសំណុំរឿងវិវាទដីធ្លីជិត៣៥០០ករណី លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់
× របាយការណ៍សមិទ្ធផលសង្ខេបរយៈពេល៥ឆ្នាំរបស់ក្រសួងដែនដី នគររូបនីយកម្ម និងសំណង់ (២០១៨-២០២២) បង្ហាញថា ករណីវិវាទដីធ្លីជិត៣៥០០ករណី កំពុងត្រូវបានដោះស្រាយដោយយន្តការទាំងបី រួមមានអាជ្ញាធរជាតិដោះស្រាយទំនាស់ដីធ្លី គណៈកម្មការសុរិយោដី និងដោយក្រសួងរៀបចំដែនដី ផ្ទាល់។
នៅ៩ខែដំបូង ឆ្នាំ២០២២ អាជ្ញាធរជាតិដោះស្រាយទំនាស់ដីធ្លី ទទួលបានសំណុំរឿងវិវាទចំនួន២៧ករណី ដោយដោះស្រាយរួច៥ករណី និងបង្វែរ១ករណី ខណៈករណីដែលបន្តដោះស្រាយមាន១៧៣ករណី។
រយៈពេលដូចគ្នាផងដែរ គណៈកម្មការសុរិយោដី ទទួលបានសំណុំរឿង២៤៤ករណី ដោយដោះស្រាយបញ្ចប់នីតិវិធីបាន១៩២ករណី កំពុងដោះស្រាយ៨៣០ករណី ហើយគ្រួសារចំនួន៣២០គ្រួសារត្រូវបានដោះស្រាយបញ្ចប់ លើផ្ទៃដីទំហំ ៣១,៩៦ហិកតា។
រីឯករណីដល់ធ្លាក់ទៅដល់ក្រសួងដែនដីឯណោះវិញ ពីខែមករា ដល់ខែកញ្ញា ឆ្នាំ២០២២ មានចំនួន២៤៥ករណី ដោយដោះស្រាយបញ្ចប់ចំនួន២៥ករណី រីឯ១២ករណីទៀតត្រូវបានបង្វែរទៅសមត្ថកិច្ចពាក់ព័ន្ធ និងឆ្លើយទៅសាមីសំណើរ។ ក្រសួងបន្តដោះស្រាយ២៤៨១ករណីផងដែរ។
ដោយគិតចាប់តាំងពីអនុវត្តរហូតដល់ដំណាច់ខែកញ្ញា យន្តការដំណោះស្រាយទាំង៣ ទទួលពាក្យបណ្តឹងសរុប១៤ ៤៧៤ករណី ដោយដោះស្រាយបញ្ចប់នីតិវិធីចំនួន ១០ ៩៩០ករណី និងកំពុងដោះស្រាយចំនួន ៣៤៨៤ករណី៕
© រក្សាសិទ្ធិដោយ thmeythmey.com