ក្នុងសិតទី១ ក្រុមជម្រើសជាតិកម្ពុជា បើកការនាំមុខ Cambodia All Star ដោយលទ្ធផលពិន្ទុ ២៥-១៧ បន្ទាប់ពីខ្សែប្រយុទ្ធស្តាំវាយផ្តាច់របស់ Cambodia All Star មឿន ម៉េងឡាយ វាយជាប់រនាំង ក្រុមជម្រើសជាតិកម្ពុជា។ ការប្រកួតកាន់តែក្តៅគគុកដោយពិន្ទុប្រដេញប្រកៀតប្រកិតគ្នា តែយ៉ាងណា Cambodia All Star បានវាយបកយកឈ្នះនៅសិតទី២ វិញដោយពិន្ទុ ២៥-២៣។

 

ចូលដល់សិតទី៣ ក្រុមជម្រើសជាតិកម្ពុជា បើកការនាំមុខសាជាថ្មី លើCambodia All Star ដោយពិន្ទុ ២៥-១៩ បន្ទាប់ពីតួរប្រយុទ្ធស្តាំ ធី ម៉េងហួង វាយផ្តាច់មិនបានល្អដោយបាល់មិនឆ្លងសំណាញ់។ ចូលដល់សិតទី៤ ក្រុមជម្រើសជាតិបន្ត យកឈ្នះ Cambodia All Star ដោយពិន្ទុប្រដេញគ្នា ២៥-២២ តែ Cambodia All Star បើកការវាយបកមកវិញយកឈ្នះនៅសិតទី៥ ដោយពិន្ទុ ២៥-២២។

 

បញ្ចប់ការប្រកួតទាំង៥សិត ក្រុមបាល់ទះជម្រើសជាតិកម្ពុជាក្នុងសាល បានយកឈ្នះ Cambodia All Star ដោយលទ្ធផល ៣-២ សិត។ ការប្រកួតនេះដែរគ្រាន់តែជាការស្ទាបស្ទង់កម្រិតសមត្ថភាពកីឡាករក្រុមជម្រើសជាតិកម្ពុជា មុននឹងការមកដល់នៃការប្រកួតកីឡាស៊ីហ្គេមលើកទី៣២ ឆ្នាំ២០២៣ ខាងមុខដែលកម្ពុជា ទទួលរៀបចំធ្វើជាម្ចាស់ផ្ទះ៕