និស្សិតដែលទទួល ជ័យលាភីលេខ១ បានទៅក្រុមនិស្សិតមកពីសាកលវិទ្យាល័យជាតិបាត់ដំបង  ជ័យលាភីលេខ២បានទៅក្រុមនិស្សិតមកពីវិទ្យាស្ថានសន្តប៉ូល និងជ័យលាភីលេខ៣

បានទៅក្រុមនិស្សិតមកពីសាកលវិទ្យាល័យភូមិន្ទភ្នំពេញ។
 

លោក ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ បានលើកឡើងថា​ កម្មវិធីប្រកួតប្រជែងនេះបានចូលរួមចំណែកទ្រទ្រង់ដល់ការអភិវឌ្ឍន៍ទេសចរណ៍ខេត្តសៀមរាប ឆ្នាំ២០២១-២០៣៥តាមរយៈការបង្កើតយុទ្ធសាស្រ្តអភិវឌ្ឍន៍តំបន់ទេសចរណ៍ទាំង៦ក្នុងខេត្តសៀមរាប។ ដោយឡែកកម្មវិធីប្រកួតប្រជែងការរៀបចំ «ផែនការអភិវឌ្ឍន៍គោលដៅទេសចរណ៍គំរូ» នឹងក្លាយជាកាអប់រំ និងការយល់ដឹងដល់សាធារណជន ជាពិសេសនិស្សិតជំនាញទេសចរណ៍។
 

សូមបញ្ជាក់ដែរថា មុនថ្ងៃប្រកាស ក្រសួងទេសចរណ៍ក៏បានចុះសិក្សាដោយផ្ទាល់នៅស្រុកបន្ទាយស្រី ខេត្តសៀមរាបរបស់ក្រុមនិស្សិតចំនួន៤ក្រុមកាលពីថ្ងៃទី១៧-២១ វិច្ឆិកា ឆ្នាំ២០២២។ ជាមួយគ្នានេះ ក្រសួងទេសចរណ៍ក៏បានលើកទឹកចិត្តដល់និស្សិតជំនាញទេសចរណ៍ ឱ្យមានការចូលរួមតាមសហគមន៍មូលដ្ឋានឬទស្សនាទានដល់អង្គភាពគ្រប់គ្រងគោលដៅទេសចរណ៍៕