ភ្នំពេញ៖ លោក ឃុន ចាន់ក្តឹប ហៅនាយក្តឹប បានទទួលមរណភាព នៅយប់ថ្ងៃទី១៨ ខែកុម្ភៈ ឆ្នាំ២០២៣ ក្នុងវ័យ៦៣ឆ្នាំ ក្រោយតស៊ូនឹងជំងឺសម្ពាធសរសៃឈាម រោគបេះដូងរ៉ាំរ៉ៃ និងជំងឺចំនួនទៀតជាច្រើនឆ្នាំ មកហើយ។

 

អ្នកស្រី ចឹក ស្រីភា ជាកូនស្រីទីពីរ របស់តារាកំប្លែងរូបនេះ បានប្រាប់សារព័ត៌មានThmeythmey ថាសពឪពុកខ្លួននឹងតម្កល់នៅគេហដ្ឋានស្ថិតនៅក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វារនៅថ្ងៃទី១៨-១៩ខែកុម្ភៈ និងបូជានៅនៅថ្ងៃទី២០កុម្ភៈ នៅវត្តពោធិព្រឹក្ស ក្នុងខណ្ឌជ្រោយចង្វារ រាជធានីភ្នំពេញ។ «ក្រុមគ្រួសារមិនសូវមានលទ្ធភាពទេ ដូច្នេះយើងសម្រេចយកសពរបស់គាត់ទៅបូជានៅវត្តតែម្ដង។ សពគាត់នឹងត្រូវបូជា នៅព្រឹកថ្ងៃទី២០ខែកុម្ភៈ។ ប្រសិនបើបងប្អូនមានបំណងចូលរួមអាចអញ្ជើញទៅបាន»។ នេះសម្តីរបស់ អ្នកស្រី ចឹង ស្រីភា៕