នាជើងទី១ កម្ពុជា រងបរាជ័យក្រោមថ្វីដៃបារាំងអាយុក្រោម ១៩ឆ្នាំបញ្ចប់ក្នុងលទ្ធផល ៣-០សិត(២៥-២៣, ២៥-២១, ២៥-២៣) នៅថ្ងៃទី១៩ ខែកុម្ភៈ ឆ្នាំ២០២៣។ យ៉ាងណាប្រធានក្រុមជម្រើសជាតិកម្ពុជា ក៏ដូចជាថ្នាក់ដឹកនាំ បានកត់សម្គាល់ពីចំនុចខ្វះខាត ហើយក៏បានកែលម្អមករៀបចំការលេងបានយ៉ាងល្អឡើងវិញនៅជើងទី២។

 

ក្នុងសិតទី១ ក្រុមម្ចាស់ផ្ទះកម្ពុជា នាំមុខភ្ញៀវយុវជនបារាំង ដោយពិន្ទុប្រកៀកប្រកិតគ្នា ២៥-២០ ហើយបន្តឈ្នះនៅសិតទី២ ដោយលទ្ធផលប្រដេញគ្នាទៀត ២៥-២៣ ។ យ៉ាងណាបារាំង បានវាយបកយកឈ្នះវិញនៅសិតទី៣ ដែលបញ្ចប់ដោយលទ្ធផល ២៥-២១ និងនៅសិតទី៤ កម្ពុជា ឈ្នះបារាំង អាយុក្រោម ១៩ឆ្នាំបញ្ចប់ក្នុងលទ្ធផល ២៥-១៩៕