វិទ្យាសាស្រ្ត និង បច្ចេកវិទ្យា
អន្តរជាតិ
សារធាតុវិទ្យុសកម្ម ១០០តោនលេចធ្លាយនៅរោងចក្រ Fukushima
× សារធាតុវិទ្យុសកម្មកម្រិតខ្ពស់ប្រមាណ ១០០តោន បានលេចធ្លាយចេញពីធុងផ្ទុកមួយ នារោងចក្រនុយក្លេអ៊ែរ Fukushima នេះបើតាមការអោយដឹងពីក្រុមហ៊ុនថាមពលអគ្គិសនីតូក្យូ (TEPCO) ។
សារធាតុវិទ្យុសកម្មទាំងនោះ បានកំពប់ចេញពីធុងផ្ទុក តាមរបាំងដែលបិទធុងនោះ ការពារ កុំអោយវាហូរធ្លាក់ចុះមក។ ខាងក្រុមហ៊ុន ខាងលើជឿជាក់ថា សារធាតុដែលលេចធ្លាយ នេះ នឹងមិនអាចហូរចូលដល់ក្នុងសមុទ្រឡើយ ដោយសារគ្មានប្រព័ន្ធបង្ហូរទឹកទៅកាន់ សមុទ្រនៅជិតនោះឡើយ។
មកទល់ពេលនេះ ដំណើរការទប់ស្កាត់ការហូរចេញនៃសារធាតុវិទ្យុសកម្មនេះ កំពុងតែបន្ត នៅឡើយ ហើយការជ្រាបចេញនេះគឺត្រូវបានឃើញដោយក្រុមកម្មករប្រចាំការនៅទីនោះ នៅម៉ោង ១១៖២៥នាទីយប់មិញ។ នេះជាការលេចធ្លាយចុងក្រោយបំផុតមួយ ក្រោយពី មានការលេចចេញផងដែរនៅឆ្នាំ ២០១០និង ឆ្នាំ ២០១៣កន្លងទៅ ហើយក្រុមហ៊ុន TEPCO បានកំពុងព្យាយាមយ៉ាងខ្លាំងដើម្បីគ្រប់គ្រងរោងចក្រនុយក្លេអ៊ែរ ដែលកំពុងជួបបញ្ហាមួយ នេះផងដែរ។
ចន្លោះពីខែ ឧសភា ឆ្នាំ ២០១០ ដល់ខែ សីហាឆ្នាំ ២០១៣ មានសារធាតុវិទ្យុសកម្មជាច្រើន ប្រភេទដូចជា Cesium , Strontium និង Tritium ត្រូវបានគេរកឃើញថាបានហូរចូលក្នុងសមុទ្រ ដោយការជ្រាបក្រោមដីផងដែរ។
ទោះជាយ៉ាងណាក៍ដោយ ក្រុមហ៊ុនមួយនេះ ត្រូវបានទទួលរងការរិះគន់ជាខ្លាំង ចំពោះ កង្វះសមត្ថភាពខាងគ្រប់គ្រងលើស្ថានីយ៍នុយក្លេអ៊ែរ Fukushima ក្រោយពីមានការវាយប្រហារ លើលើរោងចក្រនុយក្លេអ៊ែរ ដោយការរញ្ជួយដី និង រលកយក្សស៊ូណាមិក កាលពីឆ្នាំ ២០១១កន្លងទៅ ដែលបានបណ្តាលអោយមានការលេចធ្លាយសារធាតុវិទ្យុសកម្មយ៉ាង ច្រើនផងដែរ។ មកទល់ពេលនេះក្រុមហ៊ុន បានបញ្ឈប់ការផ្តល់របាយកាណ៍ស្តីពីការលេច ធ្លាយសារធាតុវិទ្យុសកម្ម បើទោះបីជាខ្លួនបានទទួលបាននូវការស្នើសុំជាច្រើនពីអាជ្ញាធរ គ្រប់គ្រងថាមពលនុយក្លអ៊ែរក៍ដោយនោះ៕
ប្រែសម្រួលដោយសៅ ផលនិស្ស័យ
© រក្សាសិទ្ធិដោយ thmeythmey.com