អភិបាលរាជធានីភ្នំពេញ លោក ឃួង ស្រេង បានបញ្ជាក់នៅក្នុងសេចក្តីប្រកាសព័ត៌មាន ថ្ងៃទី៩ មេសាថា បច្ចុប្បន្ននេះ ស្ពានបេតុងឫស្សីកែវឆ្លងទន្លេសាប បានសាងសង់សម្រេចស្ទើរតែទាំងស្រុងហើយ ដោយនៅសេសសល់ចំណុចតិចតួច ដែលមិនប៉ះពាល់ដល់ការធ្វើដំណើរឆ្លងកាត់បណ្ដោះអាសន្នឡើយ។

 

លោក ឃួង ស្រេង បានស្នើឱ្យនរគបាល, បញ្ជាការដ្ឋានកងរាជអាវុធហត្ថ, រដ្ឋបាលខណ្ឌឫស្សីកែវ , រដ្ឋបាលខណ្ឌជ្រោយចង្វារ ,មន្ទីសាធារណការ និងដឹកជញ្ជូនរាជធានីភ្នំពេញ និងអាជ្ញាធរពាក់ព័ន្ធគ្រប់លំដាប់ថ្នាក់ ត្រូវផ្សព្វផ្សាយឱ្យទូលំទូលាយ និងសហការគ្នាឱ្យមានប្រសិទ្ធភាពខ្ពស់ ដើម្បីឱ្យបណ្តាសាធារណជន បានដឹង និងងាយស្រួលធ្វើដំណើរឆ្លងកាត់តំបន់នោះ៕