បើតាមសេចក្តីប្រកាសរបស់ FFC បានបង្ហោះនៅលើផេកហ្វេសប៊ុកផ្លូវការ និង Cambodia2023 នៅថ្ងៃទី២៤ ខែមេសាសំបុត្រឥតគិតថ្លៃ សម្រាប់មហាជនដែលចង់ចូលទស្សនាការប្រកួតបាល់ទាត់ ក្នុងព្រឹត្តិការណ៍ស៊ីហ្គេម ឆ្នាំ២០២៣ អាចទៅយកបាននៅពហុកីឡដ្ឋានជាតិអូឡាំពិក The Blue Sports Center, Fan Sport Store, Double H Sport និង Sport Castle Sornthomok។ ក្នុងម្នាក់អាចទៅទទួលយកសំបុត្របាន២សន្លឹក។
  

 

ដោយការប្រកួតបើកឆាកពូល A នៅពហុកីឡដ្ឋានអូឡាំពិកមានពីរប្រកួតជាប់គ្នា ដោយជំនួបទីមួយឥណ្ឌូណេស៊ីប៉ះ ហ្វីលីពីន​ វេលាម៉ោង៤ល្ងាច  និងម្ចាស់ផ្ទះកម្ពុជា ទល់ទីម័រខាងកើត វេលាម៉ោង៧យប់ ថ្ងៃទី២៩ ខែមេសា ដូច្នេះអ្នកគាំទ្រអាចប្រើសំបុត្រមួយសន្លឹកទស្សនាបានទាំងពីរប្រកួតនេះតែម្តង។

 

គួបញ្ជាក់ថា ការប្រកួតកីឡាបាល់ទាត់វិញ្ញាសាបុរស នឹងចាប់ផ្តើមពីថ្ងៃទី២៩ ខែមេសា នៅពហុកីឡដ្ឋានជាតិអូឡាំពិក ម៉ោង៤រសៀលតទៅ មុនពិធីបើកព្រឹត្តិការណ៍កីឡាស៊ីហ្គេមលើកទី៣២ ដែលនឹងត្រូវប្រារព្ធនៅថ្ងៃទី៥ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ៕