ជាតិ
សេដ្ឋកិច្ច
មូលបត្ររដ្ឋ ជាឧបករណ៍ហិរញ្ញវត្ថុមួយដែលជួយជំរុញការប្រើប្រាស់ «ប្រាក់រៀល»
× ពីរឆ្នាំហើយដែលរដ្ឋាភិបាលសម្រេចបោះលក់បណ្ណបំណុល(មូលបត្ររដ្ឋ) ដោយក្នុងឆ្នាំ២០២២ រដ្ឋសម្រេចបោះលក់ក្នុងទំហំ ១ ២០០ទ្រីលានរៀល និង ៨០០ទ្រីលានរៀលទៀតសម្រាប់ឆ្នាំ២០២៣។ រដ្ឋសម្រេចបោះលក់មូលបត្របំណុលនេះ ក្នុងគោលដៅពង្រឹងការគ្រប់គ្រងតម្រូវការសាច់ប្រាក់របស់រដ្ឋាភិបាល ជាពិសេសឆ្លើយតបនឹងតម្រូវការហិរញ្ញប្បទាន សម្រាប់ការអភិវឌ្ឍសេដ្ឋកិច្ច និងសង្គម រួមទាំងជំរុញការចរាចរប្រាក់រៀលនៅក្នុងសកម្មភាពសេដ្ឋកិច្ច ឱ្យកាន់តែសកម្ម។
មូលបត្ររដ្ឋនេះ ជាឧបករណ៍ហិរញ្ញវត្ថុថ្មីមួយដែលរដ្ឋាភិបាលសម្រេចបោះផ្សាយឡើង ដើម្បីពង្រីក និងជំរុញការប្រើប្រាស់ប្រាក់រៀលក្នុងការប្រមូលធនធានក្នុងស្រុកមកអភិវឌ្ឍសេដ្ឋកិច្ច និងសង្គមជាតិ។ នេះជាការលើកឡើងរបស់ លោក សុខ ខន ប្រធាននាយកដ្ឋានស្ថិតិ និងវិភាគសេដ្ឋកិច្ច នៃអគ្គនាយកដ្ឋានគោលនយោបាយរបស់ក្រសួងសេដ្ឋកិច្ច និងហិរញ្ញវត្ថុ។
សូមទស្សនាវីដេអូខាងក្រោម
បើតាមលោក សុខ ខន នៅពេលដែលតម្រូវការទីផ្សារកាន់តែទូលំទូលាយ នោះការបោះផ្សាយសញ្ញាបណ្ណ ដែលជាមូលបត្ររដ្ឋ នឹងកាន់តែរីកចម្រើន ដែលនាំឱ្យការចរាចរប្រាក់រៀលកាន់តែមានទំហំធំនៅក្នុងទីផ្សារ។
ក្នុងកិច្ចសម្ភាសជាមួយកម្មវិធី«ការឈ្វេងយល់ប្រាក់រៀលជាមួយសារព័ត៌មានថ្មីៗ» នាថ្ងៃទី១១មេសា ឆ្នាំ២០២៣ លោក សុខ ខន បាននិយាយដូច្នេះ៖«ជាទូទៅតម្រូវការវិនិយោគ និងសង្គមជាតិ គឺត្រូវអភិវឌ្ឍឥតឈប់ឈរ។ ការអភិវឌ្ឍពីមួយឆ្នាំទៅមួយឆ្នាំនោះ នឹងធ្វើឱ្យការប្រើប្រាស់ប្រាក់រៀលកើនឡើងទៅតាមហ្នឹង»៕
Tag:
ប្រាក់រៀល
លោក សុខ ខន
© រក្សាសិទ្ធិដោយ thmeythmey.com