ជាតិ
លោក គឹម បញ្ញា អភិបាលរងក្រុងបូកគោ ត្រូវបញ្ជូនខ្លួនទៅតុលាការ ក្រោយប្រើហិង្សាលើភរិយា
លោក គឹម បញ្ញា ពេលចូលបំភ្លឺ នៅស្នងការខេត្តកំពត នៅថ្ងៃទី ២៥ មេសា។ រូបភាព៖ ហ្វេសប៊ុកស្នងការនគរបាលខេត្តកំពត
×![]()
ដោយ: សារព័ត៌មានថ្មីៗ
លោក គឹម បញ្ញា អភិបាលរងក្រុងបូកគោ ត្រូវបានសមត្ថកិច្ចចាប់ខ្លួន ហើយបញ្ជូនទៅកាន់តុលាការដើម្បីបន្តនីតិវិធី ពាក់ព័ន្ធនឹងការប្រើប្រាប់អំពើហិង្សាលើភរិយា។ ការឃាត់ខ្លួននេះ ធ្វើឡើងក្រោយ លោក គឹម បញ្ញា ចូលខ្លួនបំភ្លឺ នៅស្នងការខេត្តកំពត នៅល្ងាចថ្ងៃទី២៥ មេសា ឆ្នាំ២០២៣។
ទំព័រហ្វេសប៊ុករបស់ស្នងការខេត្តកំពត បានសរសេរដូច្នេះថា៖ «ក្រោយសាកសួរបំភ្លឺ និងទទួលបណ្តឹងពីភរិយា លោក គឹម បញ្ញា អភិបាលរងក្រុងបូកគោ សមត្ថកិច្ចបានសុំគោលការណ៍ទៅ ឯកឧត្តម ម៉ៅ ធនិន អភិបាលខេត្តកំពត និងដោយបានគោលការណ៍ណែនាំ ពីឯកឧត្តមព្រះរាជអាជ្ញារ សម្រេចឃាត់ខ្លួនលោក គឹម បញ្ញា ដើម្បីបន្តនិតិវិធីទៅតុលាការ ពាក់ពន្ធ័ករណីហិង្សាលើភរិយា»។
រូបភាព និងខ្លីបវីដេអូ ដែលបញ្ជាក់ថា លោក គឹម បញ្ញា បានប្រើប្រាស់ហិង្សាលើភរិយានោះ ក៏ត្រូវបាន ជនរងគ្រោះ នៅលើគណនីហ្វេសប៊ុកផ្ទាល់ខ្លួន។ បន្ទាប់មក ស្នងការខេត្តកំពត តាមរយៈទំព័រហ្វេសប៊ុកដែរ បានកោះអញ្ជើញលោក គឹម បញ្ញា ឱ្យចូលបំភ្លឺពាក់ព័ន្ធនឹងទង្វើហិង្សារបស់ខ្លួន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
