ជាតិ
នយោបាយជាតិ
កម្ពុជា បើកស្ថានទូតនៅប្រេស៊ីល លោក ប្រាក់ សុខុន រដ្ឋមន្រ្តីការបរទេសកម្ពុជា ជួបពិភាក្សាជាមួយលោក Carlos Alberto Franco França ពេលទៅចូលរួមមហាសន្និបាតអង្គការសហប្រជាជាតិ កាលពីខែកញ្ញា ឆ្នាំ២០២២។ កាលនោះ លោក Carlos នៅកាន់តំណែងជារដ្ឋមន្រ្តីការបរទេសប្រេស៊ីល។ រូបពីក្រសួងការបរទេសកម្ពុជា
× កម្ពុជា សម្រេចជាផ្លូវការហើយ បើកស្ថានទូតនៅទីក្រុងប្រាស៊ីលីយ៉ា ប្រទេសប្រេស៊ីល។ នេះបើតាមអនុក្រឹត្យរបស់ប្រមុខរដ្ឋភិបាលកម្ពុជា ដែលចេញកាលពីថ្ងៃទី២៤ ខែមេសា ឆ្នាំ២០២៣។
យោងតាមអនុក្រឹត្យ ស្ថានទូតកម្ពុជាប្រចាំប្រេស៊ីល ត្រូវដឹកនាំដោយឯកអគ្គរាជទូត១រូប ហើយសមាសភាពមន្រ្តីការទូតផ្សេងទៀត បូករួមទាំងមន្រ្តីបច្ចេកទេស និងបុគ្គលិកសេវា នឹងត្រូវកំណត់តាមតម្រូវការជាក់ស្តែង។
អនុក្រឹត បានឲ្យដឹងទៀតថា រដ្ឋាភិបាលកម្ពុជា សម្រេចបើកស្ថានទូតនៅប្រេស៊ីលនេះ ដោយផ្នែកតាមសំណើរបស់រដ្ឋមន្រ្តីការបរទេស៕
Tag:
បើកស្ថានទូតនៅប្រេស៊ីល
© រក្សាសិទ្ធិដោយ thmeythmey.com