យោងតាមឯកសារខាងលើដដែល បញ្ជីទណ្ឌកម្មរួមមានក្រុមហ៊ុនចិនដីគោកចំនួនពីរគឺ 3HC Semiconductors និង King-Pai Technology រួមជាមួយនឹងក្រុមហ៊ុនចំនួនប្រាំរបស់ហុងកុង។

ក្រុមហ៊ុន King-Pai Technology ត្រូវបានដាក់ឱ្យស្ថិតនៅក្រោមការដាក់ទណ្ឌកម្មអាមេរិករួចហើយ ដោយសារក្រុមហ៊ុននេះ ជាអ្នកផ្គត់ផ្គង់សម្រាប់អង្គភាពជាច្រើននៅក្នុង​ឧស្សាហកម្ម​យោធា​របស់​រុស្ស៊ី។

 

ចាប់តាំងពីរុស្ស៊ីបានចាប់ផ្តើមការលុកលុយអ៊ុយក្រែនកាលពី ១៤ ខែមុន EU បានអនុម័តកញ្ចប់ ទណ្ឌកម្មចំនួន១០ ប្រឆាំងនឹងបុគ្គល និងក្រុមហ៊ុនរុស្ស៊ីដោយធ្វើឱ្យមានការលំបាកផ្នែកសេដ្ឋកិច្ចរបស់រុស្ស៊ី។

 

ការវាយប្រយុទ្ធនៅបន្តនៅអ៊ុយក្រែន ខណៈដែលរុស្ស៊ីក៏ប្រឹងច្បាមត្រួតត្រាទឹកដីអ៊ុយក្រែនបន្ថែម។ រុស្ស៊ី ក៏ប្រើប្រាស់មីស៊ីលល្បឿនលឿនជាងសំឡេងប្រភេទថ្មី Kinzhal ។ ប៉ុន្តែអ៊ុយក្រែនអះអាងថា ខ្លួន​បាន​បាញ់ទម្លាក់មីស៊ីលល្បឿនលឿនជាងសំឡេងនោះដោយប្រើប្រព័ន្ធការពារដែនអាកាស Patriot ដែល​ទើបទទួលបានពីអាមេរិក៕