ទិវាជ័យជម្នះ ជាថ្ងៃរំលឹកខួបដ៏សំខាន់ដើម្បីរំឭកការលះបង់ដែលបានជួយ​សហភាពសូវៀត​កម្ចាត់​ណាស៊ីអាល្លឺម៉ង់ក្នុងឆ្នាំ១៩៤៥។ សម្រាប់ឆ្នាំ២០២៣ សន្តិសុខត្រូវបានរឹតបន្តឹងយ៉ាងខ្លាំងដើម្បីបញ្ចៀសការវាយប្រហារណាមួយ។

 

កន្លងមក វិមានក្រេមឡាំង រងការប៉ុនប៉ងវាយប្រហារដោយប្រើយន្តហោះបញ្ជាពីចម្ងាយ ប៉ុន្តែមិនបានសម្រេចឡើយ។ រុស្ស៊ីចោទអ៊ុយក្រែន និងអាម៉េរិកថាពីក្រោយរឿងនេះ។

 

«ខ្ញុំគិតថាពួកយើងត្រូវរៀបចំក្បួនដើម្បីបង្កើនស្មារតីជាតិនិយមក្នុងចំណោមប្រជាពលរដ្ឋខណៈដែលវាបានចុះខ្សោយដោយសារតែប្រតិបត្តិការយោធា»។ ប្រជាជននៅតំបន់ Belgorod ក្បែរព្រំដែន​អ៊ុយក្រែនម្នាក់និយាយបែបនេះខណៈធ្វើដំណើរទៅក្រុងមូស្គូជាមួយកូនប្រុស។

 

គួរបញ្ជាក់ថា សហភាពសូវៀតបានបាត់បង់អាយុជីវិតមនុស្សចំនួន២៧លាននាក់ក្នុង​សង្គ្រាម​លោក​លើកទី២។