រដ្ឋមន្ត្រីឧស្សាហកម្មឥណ្ឌូណេស៊ី លោក Agus Gumiwang Kartassmita បាននិយាយកាលពីថ្ងៃទី ០៧ ខែ​ឧសភាថា  ក្រុមហ៊ុន Isuzu គ្រោងនឹងផ្លាស់ប្តូររោងចក្រមកឥណ្ឌូណេស៊ី ហើយអាចចាប់ផ្តើមផលិតកម្មនៅដើមឆ្នាំក្រោយ។
 

អ្នកនាំពាក្យក្រុមហ៊ុន Isuzu ​បានបដិសេដអំពីការលើកឡើងពីភាគីឥណ្ឌូណេស៊ី ។ អ្នកនាំពាក្យ បាននិយាយថា ក្រុមហ៊ុន មិនបានប្រកាសពីគម្រោងផ្លាស់ប្តូរទីតាំងរោងចក្រថៃ ទៅកាន់ឥណ្ឌូណេស៊ីនោះទេ ។ នេះបើតាមសារព័ត៌មានរ៉យទ័រ។ 
 

ជុំវិញបញ្ហានេះ មិនការឆ្លើយតបភ្លាមៗពីភាគីឥណ្ឌូណេស៊ីនោះទេ ចំពោះការបដិសេធពីក្រុមហ៊ុន Isuzu ។

 

ភាគហ៊ុនរបស់ក្រុមហ៊ុនគ្រឿងបន្លាស់រថយន្តថៃមួយចំនួន បានលក់អស់ នាថ្ងៃ០៨ ខែឧសភានេះ បន្ទាប់ពីមានការចុះផ្សាយព័ត៌មាននៃការផ្លាស់ប្តូរទីតាំងក្រុមហ៊ុនជប៉ុនមួយនេះ។ ក្រុមហ៊ុន Isuzu បានចាប់ផ្តើមប្រតិបត្តិការផលិតរថយន្តដឹកទំនិញនៅថៃ អស់រយៈពេល ៦០ឆ្នាំមកហើយ៕