ការប្រឡងនេះ មានគោលដៅសម្រិតសម្រាំងសិស្សពូកែទូទាំងប្រទេស ជាពិសេសលើកទឹកចិត្តសិស្សនៅមធ្យមសិក្សា ឱ្យផ្តោតការយកចិត្តទុកដាក់លើមុខវិជ្ជាអក្សរសិល្ប៍ខ្មែរ គណិតវិទ្យា និងវិទ្យាសាស្ត្រ ព្រមទាំងផ្តល់តម្លៃដល់ជ័យលាភីសិស្សពូកែ ក្នុងគោលដៅផ្តល់រង្វាន់ដល់ជ័យលាភីសិស្សពូកែទូទាំងប្រទេស នៅកម្រិតថ្នាក់ទី៩ និងថ្នាក់ទី១២ផងដែរ។ 

 

ពិធីបើកការប្រឡងសិស្សពូកែថ្នាក់ជាតិ លើកទី២៧ នៅវិទ្យាល័យ នេត យ៉ង់ ខេត្តបាត់ដំបង ប្រព្រឹត្តទៅចាប់ពីថ្ងៃទី១២ មិថុនា ក្រោមអធិបតីភាព លោក ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា។ រដ្ឋលេខាធិការក្រសួងអប់រំ បានលើកឡើងថា៖  «សិស្សពូកែនឹងក្លាយជាមូលធនមនុស្ស សម្រាប់ជួយជំរុញកំណើនសេដ្ឋកិច្ចកម្ពុជា សម្រេចចក្ខុវិស័យឆ្នាំ២០៣០ និង២០៥០»។ 

 

ចំពោះដំណើរការប្រឡងប្រព្រឹត្តទៅរយៈពេល៨ថ្ងៃ គឺដំណើរការសំណេរ៣ថ្ងៃ កំណែ៣ថ្ងៃ និងកម្មវិធីបិទ-បើករយៈពេល២ថ្ងៃ៕