ឯកសារចំនួន ៤ ទំព័ររបស់ការិយាល័យនាយកស៊ើបការណ៍ជាតិ (ODNI) បាននិយាយថា សហគមន៍ស៊ើបការណ៍សម្ងាត់របស់អាម៉េរិកនៅតែមិនអាចសម្រេចបានពីលទ្ធភាពដែលថា មេរោគនេះមកពីមន្ទីរពិសោធន៍ ហើយមិនអាចរកឃើញប្រភពដើមនៃជំងឺរាតត្បាតនេះទេ។

 

«ទីភ្នាក់ងារស៊ើបការណ៍សម្ងាត់កណ្តាល និងទីភ្នាក់ងារមួយផ្សេងទៀតនៅតែមិនអាចកំណត់ ប្រភពដើមច្បាស់លាស់នៃជំងឺរាតត្បាតកូវីដ-១៩ បានទេ ដោយសារសម្មតិកម្មទាំង (ធម្មជាតិ និងមន្ទីរពិសោធន៍) ពឹងផ្អែកលើការសន្មត់សំខាន់ៗ ឬប្រឈមមុខនឹងបញ្ហាជាមួយនឹងការ រាយការណ៍ដែលផ្ទុយគ្នា»។ ODNI បញ្ជាក់បែបនេះរួចបន្តថា ខណៈពេលដែល ការងារយ៉ាង ទូលំទូលាយត្រូវបានធ្វើឡើងលើមេរោគឆ្លងនៅវិទ្យាស្ថានវ៉ូហាន (WIV)  ទីភ្នាក់ងារមិនបាន រកឃើញព័ស្តុតាងនៃឧប្បត្តិហេតុជាក់លាក់ដែលអាចបណ្តាលឱ្យមានការផ្ទុះឡើងនោះទេ។

 

ប្រភពដើមនៃមេរោគឆ្លងរាតត្បាតគឺជាបញ្ហានៃការជជែកវែកញែកដ៏ក្ដៅគគុកនៅអាម៉េរិកស្ទើរតែ ចាប់តាំងពីករណីមនុស្សដំបូងត្រូវបានគេរាយការណ៍នៅទីក្រុងវ៉ូហាននៅចុងឆ្នាំ ២០១៩ ។

 

គិតត្រឹមថ្ងៃទី២០ ខែមីនា ទីភ្នាក់ងារអាម៉េរិកចំនួន ៤ ផ្សេងទៀតនៅតែវិនិច្ឆ័យថា ជំងឺកូវីដ-១៩ ទំនងជាលទ្ធផលនៃការចម្លងតាមធម្មជាតិ ខណៈដែលចំនួនពីរទៀតមិនទាន់សម្រេចចិត្តនៅ ឡើយ ៕