ប្រាសាទវត្តចេតិយសង់លើទួលបុរាណមិនឆ្ងាយប៉ុន្មានពីទំនប់៧៨

ជាតិ

ប្រាសាទវត្តចេតិយសង់លើទួលបុរាណមិនឆ្ងាយប៉ុន្មានពីទំនប់៧៨

25, Jun 2023 , 9:59 am

រូបភាព

ដោយ: អុីសា រ៉ហានី (Isa Rohany)

សៀមរាប៖ នៅប៉ែកខាងក្រោម ដាច់ឆ្ងាយបន្ដិចពីភូមិជ្រៃ សង្កាត់សំបួរ ក្រុងសៀមរាប ប្រាសាទវត្តចេតិយ សង់លើដីទួលបុរាណដ៏ធំមួយ ដែលនៅមិនឆ្ងាយពីទំនប់៧៨។ ប្រាសាទនេះហ៊ុំព័ទ្ធដោយកសិន្ធុទឹកពីរជាន់។ កម្រអ្នកទៅទស្សនា ខ្លះក៏មិនដឹងថាមានប្រាសាទបុរាណផង។ សង់បែរមុខទៅកើត ហើយទល់មុខមានសំណង់វិហារបុរាណមួយ ដែលបច្ចុប្បន្នត្រូវបានរុះរើដំបូល នៅសល់តែជញ្ជាំងថ្មទ្រុឌទ្រោម ចំណែកគំនូតាមជញ្ជាំង ក៏សឹងរលុបបាត់អស់ហើយដែរ។ គណៈកម្មការវត្តបានសង់ព្រះវិហារថ្មីនៅខាងត្បូងព្រះវិហារចាស់។

តាមអ្នកបុរាណវិទ្យា ប្រាសាទវត្តចេតិយសង់នៅរវាងស.វទី១០ គឺដំណាលគ្នាទៅនឹងប្រាសាទបាគងដែរ។ សំណង់ប្រាសាទនេះ មានការជួសជុលនៅជំនាន់បារាំង ដោយមានស្លាកស្នាមដែក ហើយតួប្រាសាទដូចរៀបឥដ្ឋចាក់ស៊ីម៉ង់ត៍ពីខាងក្រៅដូច្នោះដែរ៕

សូមទស្សនាប្រាសាទវត្តចេតិយ និងព្រះវិហារបុរាណ ស្ថិតនៅវត្តចេតិយ ភូមិជ្រៃ សង្កាត់សំបួរ ក្រុងសៀមរាប ដែលថតនៅថ្ងៃទី២៣ មិថុនា ឆ្នាំ២០២៣ ដូចតទៅ៖