ជាតិ
ប្រុងប្រយ័ត្ន! តំបន់មួយចំនួននឹងមានភ្លៀងលាយឡំផ្គរ រន្ទះ រហូតថ្ងៃទី៤ កក្កដា
ទឹកលិចក្រោយភ្លៀងនៅម្ដុំបឹងត្របែកកាលពីថ្ងៃទី២៦ មិថុនា
×![]()
ភ្នំពេញ៖ ក្រសួងធនធានទឹក និងឧតុនិយម បានជូនដំណឹងស្ដីពីស្ថានភាពធាតុអាកាស ដោយឱ្យពលរដ្ឋប្រុងប្រយ័ត្នចំពោះបាតុភូតធម្មជាតិដែលអាចកើតឡើងជាយថាហេតុ។ បើតាមក្រសួងធនធានទឹក ចាប់ពីថ្ងៃទី២៨ មិថុនា-៤ កក្កដា តំបន់មួយចំនួន នឹងមានភ្លៀងធ្លាក់ពីតិចទៅបង្គួរ លាយឡំនឹងផ្គរ រន្ទះ។
ការព្យាកររបស់ក្រសួងធនធានទឹក បង្ហាញថា កម្ពុជា នឹងទទួលឥទ្ធិពលពីប្រព័ន្ធសម្ពាធទាប ដែលលាតសន្ធឹងលើអាងទន្លេមេគង្គ ផ្នែកប្រទេសថៃ និងឡាវ គួបផ្សំនឹងខ្យល់មូសុងនិរតីក្នុងកម្រិតមធ្យម។ ស្ថានភាពបែបនេះ បានធ្វើឱ្យតំបន់ទំនាបកណ្ដាល អាចមានភ្លៀងធ្លាក់ពីតិចទៅមធ្យម និងច្រើន ដោយផ្នែកខ្លះ លាយឡំនឹងផ្គរ រន្ទះ និងខ្យល់កន្រ្តាក់។
បន្ថែមលើនេះ តំបន់ខ្ពង់រាប និងតំបន់មាត់សមុទ្រ នឹងអាចមានភ្លៀងធ្លាក់ពីតិចទៅបង្គួរ លាយឡំនឹងផ្គរ រន្ទះ និងខ្យល់កន្រ្តាក់ផងដែរ។ អាកាសធាតុបែបនេះ ក្រសួងធនធានទឹក អំពាវនាវឱ្យពលរដ្ឋប្រុងប្រយ័ត្នចំពោះបាតុភូតធម្មជាតិដែលអាចកើតឡើងជាយថាហេតុ៕
Tag:
អាកាសធាតុ
ភ្លៀង
© រក្សាសិទ្ធិដោយ thmeythmey.com
