ជាតិ
សេដ្ឋកិច្ច
សម្តេច ហ៊ុន សែន៖ ខេត្តកំពង់ស្ពឺ នឹងក្លាយទីតាំងផលិត និងផ្គត់ផ្គង់ស៊ីម៉ងត៍សម្រាប់កម្ពុជា សម្ដេច ហ៊ុន សែន នាយករដ្ឋមន្រ្តីនៃកម្ពុជា ក្នុងពិធីសំណេះសំណាលជាមួយកម្មករ-កម្មការិនី នៅខេត្តកំពង់ស្ពឺ កាលពីថ្ងៃទី២៧ ខែមិថុនា ឆ្នាំ២០២៣។ រូបភាពពីហ្វេសប៊ុកសម្ដេចហ៊ុន សែន
× ខេត្តកំពង់ស្ពឺ នឹងក្លាយជាខេត្តដែលមានលទ្ធភាពរួមចំណែកក្នុងការផ្គត់ផ្គង់ស៊ីម៉ងត៍ នៅទូទាំងប្រទេសកម្ពុជា។ សម្ដេច ហ៊ុន សែន នាយករដ្ឋមន្រ្តីនៃកម្ពុជា បានថ្លែងយ៉ាងដូច្នេះ ក្នុងពិធីសំណេះសំណាល កម្មករ កម្មការិនី នៅខេត្តកំពង់ស្ពឺ កាលពីថ្ងៃទី២៧ ខែមិថុនា ឆ្នាំ២០២៣។
សម្រាប់ សម្ដេច ហ៊ុន សែន ខេត្តកំពង់ស្ពឺមិនមែន មានតែឧស្សាហកម្មកាត់ដេរ និងវាយនភ័ណ្ឌនោះទេ គឺខេត្តកំពង់ស្ពឺ មានឧស្សាហកម្មផ្សេងៗទៀត ដែលរួមមានផ្នែកកសិផលដំឡូងមី និងស្ករសជាដើម។ លើសពីនេះ ទៅអនាគតខេត្តនេះនឹងអាចផលិតស៊ីម៉ងត៍បានប្រមាណ ២លានតោន ក្នុងមួយឆ្នាំ សម្រាប់ផ្គត់ផ្គង់វិស័យសំណង់នៅកម្ពុជា។
សម្ដេច បានបញ្ជាក់ថា៖ «ខេត្តកំពង់ស្ពឺ នឹងក្លាយជាខេត្តរួមចំណែកក្នុងការផ្គត់ផ្គង់ សម្ភារសំណង់សម្រាប់ទូទាំងប្រទេស។ ការវិនិយោគនេះ មិនមែនជាការយកភ្នំនោះទេ តែវាមានដីថ្ម ដែលអាចយកទៅធ្វើស៊ីម៉ងត៍ បាននៅក្រោមដីទៅវិញ»។
ក្រៅពីខេត្តកំពង់ស្ពឺ បណ្តាខេត្តផ្សេងទៀតរួមមានខេត្តតាកែវ កំពត កែប និងខេត្តព្រះសីហនុ ក៏បានក្លាយជាខេត្តពហុបំណងរួចហើយ ដោយសារ សក្ដានុពលផ្នែកកសិឧស្សាហកម្ម ទេសចរណ៍ និងការទាក់ទាញបាននូវវិនិយោគិនក្នុងការវិនិយោគលើរោងចក្រ សហគ្រាស ៕
Tag:
ស៊ីម៉ងត៍
កំពង់ស្ពឺ
ឧស្សាហកម្ម
រោងចក្រ
© រក្សាសិទ្ធិដោយ thmeythmey.com