ReSkills ជាជំនាញសិក្សា​វិជ្ជាជីវៈតាម​ប្រព័ន្ធអនឡាញ​ដោយ​មាន​កម្មវិធីបង្រៀនជាង ១៦០០មុខវិជ្ជា ដោយ​បង្រៀន២៤ម៉ោងក្នុងមួយថ្ងៃ ពេញក្នុងមួយសប្ដាហ៍ រួមទាំងថ្ងៃបុណ្យឈប់សម្រាកនានា។ បើតាមសេចក្តីប្រកាសរបស់ក្រសួងអប់រំ យុវជន និងកីឡា កម្មវិធី ReSkills មានភាសាដូចជា ខ្មែរ អង់គ្លេស ម៉ាឡេស៊ី ឥណ្ឌូណេស៊ី ចិន និងឥណ្ឌា។

 

សម្រាប់​កម្មវិធីនេះ អ្នក​សិក្សា​នឹង​ជួយ​ជាមួយ​គ្រូ​បង្វឹក ក៏ដូចជាអ្នក​ជំនាញ​ខាងឧស្សាហកម្ម​លំដាប់​អន្តរជាតិ។ សម្រាប់អ្នកមានបំណងរៀនមុខជំនាញវិជ្ជាជីវៈ ទៅតាមការជ្រើសរើស ក្នុងចំណោមមុខវិជ្ជាជាង ១៦០០នេះ ចំនួន៥០០០ នាក់ ដោយឥតមានបង់ថ្លៃ នៅមជ្ឈមណ្ឌលបណ្ដុះបណ្ដាលម៉ូឌែន៥។ អ្នក​ចាប់​អារម្មណ៍អាច​ចូលទៅចុះឈ្មោះក្នុង www.reskills.com/register ហើយ​ដាក់​លេខ​កូដ HUNSEN4U ត្រង់ Invitation Code។

 

បច្ចុប្បន្នកម្មវិធីសិក្សា ReSkills មានសមាជិកចូលរៀនជាង ១លាននាក់ នៅតាមបណ្តា ៣០ប្រទេស ។

ក្នុងដំណើរបេសកកម្មរបស់ខ្លួន ចាប់តាំងពីដើមឆ្នាំ២០២១ មកដល់បច្ចុប្បន្ន ReSkills សម្រេចបានការផ្តល់វិញ្ញាបនបត្រចំនួន ១៨៩,៦៧៣ ដែលមានគ្រូជំនាញបណ្តុះបណ្តាលជាង ៥០០នាក់ លើសកលលោក។

 

លោក អូស្មាន ហាស្សាន់ បាន​វាយតម្លៃថា កម្មវិធីសិក្សា ReSkills នឹងរួមចំណែក​អភិវឌ្ឍធនធានមនុស្សនៅកម្ពុជា លើជំនាញស្រាវជ្រាវ វិទ្យាសាស្រ្ត បច្ចេកវិទ្យា ដឹកនាំ គ្រប់គ្រង ចំណេះដឹងទូទៅ និងបណ្តុះបណ្តាលគរុកោសល្យ៕