ជាតិ
ក្រសួងសាធារណការ ពង្រីកមណ្ឌលផ្ដល់សេវាសាធារណៈដល់៧ទីតាំង
× ភ្នំពេញ៖ មណ្ឌលផ្ដល់សេវាសាធារណៈរបស់ក្រសួងសាធារណការ ត្រូវបានពង្រីកដល់៧ទីតាំង នៅតាមផ្សារទំនើប និងទីប្រជុំជនក្នុងរាជធានីភ្នំពេញ សៀមរាប និងខេត្តព្រះសីហនុ។ លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន បានថ្លែងនៅក្នុងពិធីសម្ពោធឱ្យដំណើរការមណ្ឌលផ្ដល់សេវាសាធារណៈ ផ្សារទំនើបអ៊ីអនមានជ័យ ដែលជាសាខាទី៧ នៅថ្ងៃទី២៩ ខែមិថុនា។
បើតាម លោក ហ៊ាង សុទ្ធាយុត្តិ មណ្ឌលផ្ដល់សេវាសាធារណៈ ផ្សារទំនើបអ៊ីអន៣ នេះ នឹងធ្វើឱ្យទទួលសេវារបស់ពលរដ្ឋកាន់តែងាយស្រួល និងរហ័ស។ មណ្ឌលផ្ដល់សេវាសាធារណៈសាខាទី៧នេះ មានផ្ដល់សេវាប្ដូរពន្យារបណ្ណបើកបរយាន្តយន្ត, ដាក់ពាក្យត្រួតពិនិត្យលក្ខណៈបច្ចេកទេសយានជំនិះ(ឆៀក) ,ចុះបញ្ជី និងផ្ទេរកម្មសិទ្ធិយានជំនិះ, បំពាក់ឧបករណ៍ ETC លើយានយន្តនិងលតាបត្រអនុញ្ញាតទោចក្រក្រយានយន្ត ៥០០cc ឬ២៧kw ឡើងទៅធ្វើដំណើរលើផ្លូវល្បឿនលឿនជាដើម»។ នេះបើតាមការរៀបរាប់របស់លោក ហ៊ាង សុទ្ធាយុត្តិ។
សូមជម្រាប មណ្ឌលផ្ដល់សេវាសាធារណៈទាំង៧ទីតាំងរបស់ក្រសួងសាធារណការ មាននៅផ្សារទំនើបអ៊ីអនទី១, ផ្សារទំនើបអ៊ីអនទី២, ផ្សារទំនើបជីបម៉ុងណឺរ៉ូម៉ល, ទីស្ដីការក្រសួងសាធារណការ និងដឹកជញ្ជូន, ផ្សារទំនើប ហេរីថេក វ៉កនៅសៀមរាប, ផ្សារទំនើប ហ្វូរី ថែមឃែ្វរ ម៉ល ខេត្តព្រះសីហនុ និងនៅផ្សារទីនើបអ៊ីអនទី៣៕
Tag:
សេវាសាធារណៈ
ក្រសួងសាធារណការ
© រក្សាសិទ្ធិដោយ thmeythmey.com