ជាតិ
អគ្គិភ័យ សម្លាប់មនុស្ស៨នាក់ នៅក្លឹបកម្សាន្តកំពុងជួសជុល
× ភ្នំពេញ៖ មនុស្សប្រុសស្រីចំនួន៨នាក់ ត្រូវបានស្លាប់ក្នុងហេតុការណ៍គ្រោះថ្នាក់អគ្គិភ័យនៅល្ងាច ថ្ងៃទី០១ ខែកក្កដា បន្តដល់យប់ម៉ោង៨៖៣០នាទី។ សមត្ថកិច្ច បានរកឃើញជនរងគ្រោះ៨នាក់ ក្នុងនោះមានប្រុសចំនួន៥នាក់ ក្នុងស្រីចំនួន៣នាក់ ដែលជាជនជាតិចិន៧នាក់ និងជនជាតិខ្មែរម្នាក់ ដែលជាអ្នកបកប្រែ។
អតីតក្លឹបកម្សាន្ត ដែលកំពុងបិទទ្វារជួសជុល ត្រូវបានអគ្គីភ័យឆេះយ៉ាងខ្លាំង ដែលស្ថិតនៅផ្លូវ ២០៦ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។ កងកម្លាំងអន្តរាគមន៍បង្ការពន្លត់អគ្គីភ័យ បានប្រើប្រាស់រថយន្តការិយាល័យអគ្គិភ័យចំនួន ២២ គ្រឿង ប្រើប្រាស់ទឹកអស់ចំនួន ៨៨ រថយន្ត ដែលស្មើរនឹង ៣៥២ ម៉ែត្រគូប។
បើតាម នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ មូលហេតុនៃការកើតអគ្គិភ័យនេះ កំពុងស្ថិតក្នុងការស្រាវជ្រាវបន្ថែមនៅឡើយ។ ទីតាំងនេះ ត្រូវបានបិទចោល និងកំពុងជួសជុល ប៉ុន្តែ អគារទុកចោលនេះ មានមនុស្សនៅជាន់ទី៤ទៅវិញ៕
Tag:
(អគ្គិភ័យ
ក្លឹបកម្សាន្ត)
© រក្សាសិទ្ធិដោយ thmeythmey.com