គណបក្សយុវជនកម្ពុជា បានចាប់ផ្តើមហែក្បួនលើកដំបូងរបស់ខ្លួនកាលពីថ្ងៃអាទិត្យ ដែលជាថ្ងៃទីពីរនៃការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។ «យុវជនជំនាន់ក្រោយ និយាយពិត ធ្វើពិត»។ នេះជាការបញ្ជាក់របស់លោក ពេជ្រ ស្រស់ ប្រធានគណបក្ស មកកាន់សារព័ត៌មានថ្មីៗ មុនពេលចាប់ផ្តើមក្បួនដង្ហែក្នុងរាជធានីភ្នំពេញ។

 

ប្រធានគណបក្សរូបនេះ បានលើកគោលនយោបាយចំនួន ៧ចំណុច ដើម្បីទាញយកសន្លឹកឆ្នោតពីប្រជាពលរដ្ឋ។ ប្រធានគណបក្សយុវជនកម្ពុជារូបនេះ បានសន្យាដំឡើងប្រាក់ឈ្នួលជូនកម្មករ ប្រាក់បៀវត្សគ្រូបង្រៀន បញ្ចុះថ្លៃសាំង និងជីកសិកម្ម។

 

លោក ពេជ្រ ស្រស់ បានបន្ថែមថា នេះជាពេលវេលាដែលត្រូវព្យាបាលជំងឺសង្គមដែលកើតយូរមកហើយ តាមរយៈការបោះឆ្នោតជូនគណបក្សរបស់ដើម្បីទទួលបានកៅអីនៅរដ្ឋសភា។

 

គណបក្សយុវជនកម្ពុជា ស្ថិតនៅលេខរៀងទី១៦ ដោយបានដាក់បេក្ខជនឈរនៅគ្រប់រាជធានី-ខេត្ត។