អ្នកនាង អ៊ូច សូដានី ប្រាប់គន្លឹះខ្លះៗក្នុងការនិពន្ធសៀវភៅសម្រាប់កុមារ

ជាតិ

បទសម្ភាសន៍

អ្នកនាង អ៊ូច សូដានី ប្រាប់គន្លឹះខ្លះៗក្នុងការនិពន្ធសៀវភៅសម្រាប់កុមារ

04, Jul 2023 , 8:00 am

រូបភាព

ដោយ: ប៉ូ សាគុន

ភ្នំពេញ៖ អ្នកនាង អ៊ូច សូដានី ជាអ្នកនិពន្ធសៀវភៅរឿងសម្រាប់កុមារ នៅអង្គការស៊ីប៉ា។ អ្នកនិពន្ធរូបនេះ បានប្រាប់សារព័ត៌មានថ្មីៗថា ការស្វែងយល់ពីកម្រិតអាយុ និងសង្កេតពីចិត្តសាស្ត្ររបស់កុមារ គឺជាមូលដ្ឋានគ្រឹះចាំបាច់បំផុតសម្រាប់ខ្លួន ក្នុងការនិពន្ធសៀវភៅដែលទាក់ទាញបានចំណាប់អារម្មណ៍របស់កុមារ។ បើតាមអ្នកនាង អ៊ូច សូដានី អ្នកនិពន្ធក៏ត្រូវតែចែកឱ្យដាច់ពីគោលបំណងនៃសៀវភៅដែលខ្លួនសរសេរឡើងថា តើតាក់តែងឡើងសម្រាប់ឱ្យកុមារអានដោយខ្លួនឯង ឬសម្រាប់កុមារដែលម្ដាយឪពុក ឬមនុស្សធំអានឱ្យពួកគេស្ដាប់ដែរ។ សម្រាប់អ្នកនាង ដានី ដែលនិពន្ធរឿងសម្រាប់កុមារថ្នាក់មត្តេយ្យ ថ្នាក់ទី៣ និងកុមារចាប់ពីអាយុ១០ឡើង ក្នុងនាមជាអ្នកនិពន្ធមួយរូប ការអាន និងស្វែងយល់ពីគំនិតរបស់អ្នកនិពន្ធដទៃទៀត ក៏ជារឿងមិនអាចរំលងបានដែរ។