ធ្វើឡើងរៀងរាល់ពីរឆ្នាំម្តង សមយុទ្ធយោធារួមឈ្មោះ Talisman Saber លើកដំបូងត្រូវ បានធ្វើឡើងក្នុងឆ្នាំ ២០០៥ ហើយនៅឆ្នាំសមយុទ្ធនេះនឹងមានទំហំធំជាងគេបង្អស់បើប្រៀប នឹងឆ្នាំមុនៗ។

 

«សារសំខាន់បំផុតដែលចិនអាចទទួលយកបានពីសមយុទ្ធនេះ និងអ្វីទាំងអស់ដែលសម្ព័ន្ធមិត្ត និងដៃគូរបស់យើងធ្វើរួមគ្នានោះគឺថា ពួកយើងត្រូវបានផ្សារភ្ជាប់យ៉ាងខ្លាំងជាមួយនឹងតម្លៃ ស្នូលដែលមានក្នុងចំណោមប្រជាជាតិជាច្រើនរបស់យើង»។ លោក Carlos Del Toro រដ្ឋលេខាធិការនៃកងទ័ពជើងទឹកអាម៉េរិកបាននិយាយនៅក្នុងពិធីបើកការដ្ឋានលើនាវាកងទ័ពជើងទឹកក្នុងទីក្រុងស៊ីដនីបែបនេះ។

 

សមយុទ្ធដែលធ្វើឡើងនៅទីតាំងផ្សេងៗគ្នានៅទូទាំងអូស្ត្រាលីនឹងរួមបញ្ចូលការប្រយុទ្ធតាមផ្លូវគោក និងផ្លូវអាកាស ក៏ដូចជាការចតលើសមុទ្រ។

រដ្ឋមន្ត្រីការពារជាតិលោក Richard Marles បាននិយាយនៅក្នុងពិធីដដែលនោះថា សមយុទ្ធ នេះបានបង្ហាញពីការប្តេជ្ញាចិត្តរបស់អូស្ត្រាលីក្នុងការធ្វើការជាមួយដៃគូអន្តរជាតិដើម្បីរក្សា សន្តិសុខ និងស្ថិរភាពនៃតំបន់។

 

នៅឆ្នាំនេះអាឡឺម៉ង់ចូលរួមជាលើកដំបូងដោយមានទាហានឆ័ត្រយោង និងទាហានម៉ារីនចំនួន ២១០ នាក់ចូលរួម ខណៈដែលប្រទេសអ៊ឺរ៉ុបជំរុញវត្តមានរបស់ខ្លួននៅក្នុងឥណ្ឌូ-ប៉ាស៊ីហ្វិក។

 

កងទាហានមកពីឥណ្ឌា ហ្វីលីពីន សិង្ហបុរី និងថៃ ក៏នឹងចូលរួមជាអ្នកសង្កេតការណ៍ផងដែរ។

 

គួរបញ្ជាក់ថា អូស្ត្រាលីកំពុងពង្រឹងកិច្ចសហប្រតិបត្តិការផ្នែកសន្តិសុខជាមួយអាម៉េរិកនិងដៃគូ ក្នុងតំបន់ដូចជាជប៉ុន និងឥណ្ឌា ស្របពេលដែលរដ្ឋាភិបាលធ្វើការជួសជុលទំនាក់ទំនង ពាណិជ្ជកម្មជាមួយចិនដែលត្រូវបានតានតឹងដោយជម្លោះពាណិជ្ជកម្ម ការវិនិយោគ និង សន្តិសុខ។ យោងតាមមន្ត្រីការពារជាតិអូស្ត្រាលីម្នាក់ បច្ចុប្បន្ននាវាចិនមួយ កំពុងស្ថិតនៅ ឆ្នេរសមុទ្រភាគខាងកើតនៃអូស្ត្រាលីហើយត្រូវបានគេរំពឹងថានឹងចាំឃ្លាំមើលសមយុទ្ធនេះ៕