សេដ្ឋកិច្ចអន្តរជាតិ
អន្តរជាតិ
មេដឹកនាំកូរ៉េបន្ទោសមន្ត្រីថាគ្មានការទទួលខុសត្រូវជុំវិញការខូចខាតដំណាំដោយព្យុះ លោក គីម ជុងអ៊ុន ពិនិត្យការងារគ្រប់គ្រងព្យុះនៅស្រុក Anbyon ។ រូបថត ៖ KCNA ។
× មេដឹកនាំកូរ៉េខាងជើងលោក គីម ជុងអ៊ុន បានស្តីបន្ទោសមន្ត្រីចំពោះការគ្មានការទទួលខុសត្រូវចំពោះការខកខានក្នុងការការពារផលដំណាំដែលខូចខាតដោយព្យុះត្រូពិចខ្នុរ (Khanun) ដែលបានបោកបក់ពាសពេញឧបទ្វីបកូរ៉េកាលពីសប្តាហ៍មុន។
ព្យុះត្រូពិចខ្នុរដែលបំផ្លិចបំផ្លាញជប៉ុនមុនពេលឆ្លងកាត់ឧបទ្វីបកូរ៉េ បានបោកបក់កាត់កូរ៉េខាងជើងកាលពីព្រឹកថ្ងៃទី១១ សីហា បន្ទាប់ពីបានបោកបក់នៅកូរ៉េខាងត្បូងមួយថ្ងៃមុន។
នៅថ្ងៃទី១៤ ខែសីហា ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍ថា លោក គីម ជុងអ៊ុន បានទៅទស្សនាកសិដ្ឋានលិចទឹកនៅក្នុងស្រុក Anbyon ភាគខាងកើតប្រទេស។ មេដឹកនាំកូរ៉េខាងជើងរូបនេះបានស្តីបន្ទោសមន្រ្តីថា តំបន់នេះរងការខូចខាតច្រើនជាងតំបន់ផ្សេងទៀត ដោយសារតែអាកប្បកិរិយាមិនទទួលខុសត្រូវរបស់មន្ត្រីក្នុងតំបន់។
« មន្ត្រីមូលដ្ឋានមិនមានប្រតិកម្មចំពោះវិធានការទាំងនេះ ហើយមិនបានធ្វើអ្វីសោះ ជាលទ្ធផលតំបន់នេះរងការខូចខាតច្រើនជាងតំបន់ដទៃទៀត» ។ KCNA ស្រង់សម្ដីមេដឹកនាំកូរ៉េខាងជើងបែបនេះ។
នៅពេលដែលព្យុះត្រូពិចបានខិតជិតឧបទ្វីបកូរ៉េ កូរ៉េខាងជើងបានចាប់ផ្តើមយុទ្ធនាការឆ្លើយតប និងអំពាវនាវឱ្យមានវិធានការកាត់បន្ថយការខូចខាតដល់ទិន្នន័យសេដ្ឋកិច្ចជាតិ។
ភាគខាងជើងបានទទួលរងនូវគ្រោះទុរ្ភិក្សជាប្រចាំ។ ប្រទេសនេះបានរៀបចំកិច្ចប្រជុំថ្នាក់ខ្ពស់របស់គណបក្សកាលពីខែកុម្ភៈ ដើម្បីដោះស្រាយជាពិសេស បញ្ហា កង្វះស្បៀងអាហារ និងបញ្ហាកសិកម្ម៕
Tag:
គីម ជុងអ៊ុន
កូរ៉េខាងជើង
© រក្សាសិទ្ធិដោយ thmeythmey.com