ថ្លែងក្នុងពិធីប្រារព្ធ​ខួប​នៃ​ការ​រំដោះ​កូរ៉េខាងត្បូង​ពី​ការ​គ្រប់គ្រង​អាណានិគម​របស់​​ជប៉ុននាថ្ងៃទី១៥ ខែសីហា លោក យូន សុកយ៉ល ក៏បានសង្កត់ធ្ងន់ទៅលើតម្រូវការក្នុងការបង្កើនកិច្ចសហប្រតិបត្តិការផ្នែកសន្តិសុខជាមួយទីក្រុងវ៉ាស៊ីនតោន និងទីក្រុងតូក្យូ តាមរយៈការពង្រឹងសមត្ថភាពឈ្លបយកការណ៍ និងការចែករំលែកទិន្នន័យតាមពេលវេលាជាក់ស្តែងស្តីពីអាវុធនុយក្លេអ៊ែរ និងមីស៊ីលរបស់កូរ៉េខាងជើង។

 

«កិច្ចប្រជុំកំពូលខាងមុខនេះនឹងកំណត់ព្រឹត្តិការណ៍ដ៏សំខាន់ថ្មីមួយនៅក្នុងកិច្ចសហប្រតិបត្តិការត្រីភាគីដែលវានឹងរួមចំណែកដល់សន្តិភាព និងវិបុលភាពនៃឧបទ្វីបកូរ៉េ និងតំបន់ឥណ្ឌូប៉ាស៊ីហ្វិក»។ លោក យូន បាននិយាយបែបនេះ។ 

 

តាមគម្រោង លោក យូននឹងចូលរួមជាមួយប្រធានាធិបតីអាម៉េរិក ចូ បៃឌិន និងនាយករដ្ឋមន្រ្តីជប៉ុន គីស៊ីដា ហ្វូមីអូ នៅក្នុងកិច្ចប្រជុំកំពូលនៅនិវេសនដ្ឋានប្រធានាធិបតី Camp David ក្នុងរដ្ឋ Maryland នៅថ្ងៃទី១៨ ខែសីហា។ មេដឹកនាំទាំង៣ នឹងរំពឹងជជែកលើគំនិតផ្តួចផ្តើមរួមគ្នានានាលើវិស័យបច្ចេកវិទ្យា ការអប់រំ និងការពារជាតិ។

 

គួរបញ្ជាក់ថា ចាប់តាំងពីចូលកាន់តំណែងកាលពីខែឧសភា ឆ្នាំ២០២២ មក លោក យូន បានខិតខំកែលម្អទំនាក់ទំនងរវាងកូរ៉េខាងត្បូងនឹងជប៉ុន ដោយលោកយល់ថាប្រទេសទាំងពីរជាដៃគូដែលចែករំលែកតម្លៃសកល និងបន្តផលប្រយោជន៍រួមជាមួយគ្នា៕