យោងតាមសេចក្តីថ្លែងការណ៍នៅលើគេហទំព័រក្រសួងហិរញ្ញវត្ថុចិន មូលនិធិថ្មីនេះនឹងគាំទ្រជា​ចម្បង​លើការងារសង្គ្រោះសម្រាប់ប្រជាជនដែលរងផលប៉ះពាល់យ៉ាងធ្ងន់ធ្ងរដោយគ្រោះមហន្តរាយរួម​ទាំង​តំបន់ប៉េកាំង ធានជីន ហឺប៉ី និងនៅប៉ែកខាងជើងប្រទេសនៃខេត្តហីឡុងជាំង និងជីនលីន។

 

ក្រោមការផ្តល់មូលនិធិថ្មីនេះ ប្រជាជនដែលរងផលប៉ះពាល់ដោយគ្រោះមហន្តរាយ នឹងត្រូវបាន​តាំង​ទី​លំនៅថ្មីឱ្យបានត្រឹមត្រូវ ឯទីតាំងផលិតកម្មនៅក្នុងតំបន់រងផលប៉ះពាល់អាចវិល ទៅរកភាពធម្មតាវិញ​បានឆាប់តាមដែលអាចធ្វើទៅបាន។ លើសពីនេះ អ្នកស្រុកដែលរងផលប៉ះពាល់ខ្លះទៀត អាច​ត្រឡប់​ទៅផ្ទះវិញ ឬផ្លាស់ទៅផ្ទះថ្មីមុនរដូវរងាមកដល់។

 

ចាប់តាំងពីដើមរដូវទឹកជំនន់មក រដ្ឋាភិបាលចិនបានបែងចែកថវិកាជាង៩,៦៨ពាន់​លាន​យ័ន​លើ​មូល​និធិបង្ការ និងសង្គ្រោះទឹកជំនន់ផ្សេងៗទៅកាន់តំបន់រងគ្រោះដោយគ្រោះមហន្តរាយ។ 

 

ជាមួយគ្នានេះ​ ក្រសួងហិរញ្ញវត្ថុចិន ក៏បានបញ្ជាឱ្យមន្ទីរហិរញ្ញ​វត្ថុថ្នាក់ខេត្ត​ចែក​ចាយ​ថវិ​កា​ឱ្យ​បាន​ទាន់​ពេលវេលា ពង្រឹង​ការ​ត្រួត​ពិនិត្យ​ការប្រើប្រាស់មូលនិធិ និងផ្តល់អាទិភាពដល់ការការពារអាយុជីវិត និ​ង​ទ្រព្យសម្បត្តិ​ពលរដ្ឋ៕