ជាតិ
រូបភាពពីហ្វេសប៊ុកលោក ឃឹម ហ្វីណង់
×![]()
ភ្នំពេញ៖ ពីអភិបាលរងខេត្តសៀមរាប លោក ឃឹម ហ្វីណង់ ត្រូវបានព្រះមហាក្សត្រតែងតាំងជាអនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។ នេះបើតាមព្រះរាជក្រឹត្យចុះព្រះហស្តលេខាដោយសម្ដេចព្រះបរមនាថ នរោត្តម សីហមុនី នាថ្ងៃទី២២ សីហានេះ។
លោក ឃឹម ហ្វីណង់ អភិបាលរងខេត្តសៀមរាប និងជាអតីតអភិបាលស្រុកបន្ទាយស្រី ដ៏ល្បីល្បាញ ត្រូវបានតែងតាំងជាអនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ក្នុងអាណត្តិទី៧នេះ។ ឈ្មោះលោក ឃឹម ហ្វីណង់ ស្ថិតនៅលេខរៀងទី៣៤ ក្នុងចំណោមអនុរដ្ឋលេខាធិការ ៣៥រូប នៃក្រសួងកសិកម្ម។
បើតាមព្រះរាជក្រឹត្យរបស់ព្រះមហាក្សត្រ ក្នុងអាណត្តិទី៧នេះ ក្រសួងកសិកម្ម រុក្ខាប្រមាញ់ និងនេសាទ មានរដ្ឋលេខាធិការចំនួន ២៥រូប និងអនុរដ្ឋលេខាធិការ ៣៥រូប ដែលដឹកនាំលោក ឌិត ទីណា ជារដ្ឋមន្ត្រី។
គួរបញ្ជាក់ថា លោក ឃឹម ហ្វីណង់ បានបម្រើការងារក្នុងតួនាទីជាអភិបាលរងខេត្តសៀមរាប បានរយៈពេលជិត១ឆ្នាំ ក្រោយរាជរដ្ឋាភិបាលតែងតាំងជាអភិបាលរងខេត្តសៀមរាប កាលពីថ្ងៃទី៣០ ខែសីហា ឆ្នាំ២០២២។ លោក ឃឹម ហ្វីណង់ ជាកូនប្រុសរបស់លោក ឃឹម ប៊ុនសុង អតីតអភិបាលសៀមរាប និងជារដ្ឋលេខាធិការក្រសួងការពារជាតិ៕
© រក្សាសិទ្ធិដោយ thmeythmey.com
