ជាតិ
ឥទ្ធិពលព្យុះទីហ្វុង ធ្វើឱ្យកម្ពុជាបន្តមានភ្លៀងធ្លាក់ដល់ថ្ងៃទី២ ខែកញ្ញា ភ្លៀងធ្លាក់នៅក្រុងប៉ៃលិន ខេត្តប៉ៃលិន កាលពីថ្ងៃទី៣១ ខែកក្កដា ឆ្នាំ២០២៣។ រូបភាព៖ ក្រសួងធនធានទឹក និងឧតុនិយម
× ភ្នំពេញ៖ កម្ពុជា កំពុងរងឥទ្ធិពលរបស់ប្រព័ន្ធសម្ពាធទាប ដែលអូសបន្លាយលើភាគខាងជើងប្រទេសថៃ ឡាវ និងវៀតណាម គួបផ្សំឥទ្ធិពលខ្សោយពីព្យុះទីហ្វុងឈ្មោះថា«សាវឡា»។ ឥទ្ធិពលនេះ នឹងធ្វើឱ្យកម្ពុជា បន្តមានធ្លាក់ភ្លៀងរហូតដល់ថ្ងៃទី២ ខែកញ្ញា។
បើតាមការព្យាកររបស់ក្រសួងធនធានទឹក និងឧតុនិយម ចេញផ្សាយនៅថ្ងៃទី២៨ ខែសីហានេះ នៅតំបន់ទំនាបកណ្ដាល និងតំបន់ខ្ពង់រាប នឹងមានភ្លៀងធ្លាក់ក្នុងកម្រិតតិច ទៅបង្គួរ លាយឡំដោយផ្គរ រន្ទះ និងខ្យល់កន្រ្តាក់។ ចំណែកតំបន់មាត់សមុទ្រវិញ អាចមានភ្លៀងធ្លាក់ក្នុងកម្រិតមធ្យម ទៅច្រើន លាយឡំដោយផ្គរ រន្ទះ និងខ្យល់កន្រ្តាក់។ រីឯនៅផ្ទៃសមុទ្រ អាចមានភ្លៀង ខ្យល់បោកបក់ និងរលកបង្គួរ។ នេះបើតាមក្រសួងធនធានទឹក បញ្ជាក់ដូច្នេះ៕
Tag:
ភ្លៀង
ក្រសួងធនធានទឹក
ព្យុះ
© រក្សាសិទ្ធិដោយ thmeythmey.com