ការចុះប្រតិបត្តិការធ្វើតេស្តទឹកនោម រកសារធាតុញៀនលើមន្ត្រីពន្ធនាគារទូទាំងប្រទេស

និងជនជាប់ឃុំដែលសង្ស័យប្រើប្រាស់សារធាតុញៀននេះ ធ្វើឡើងតាមការលើកឡើងរបស់ លោក ស សុខា រដ្ឋមន្ត្រីក្រសួងមហាផ្ទៃ។ ការសម្រេចបែបនេះ គឺដើម្បីរឹតបន្តឹងបញ្ហាគ្រឿងញៀន។ នេះបើតាម សេចក្ដីណែនាំ ចេញថ្ងៃទី២៧កញ្ញា។ 

 

ទាក់ទិននឹងការពិនិត្យទឹកនោម រកសារធាតុញៀន ក្នុងពន្ធនាគារនេះ សារព័ត៌មានថ្មីៗ ពុំអាចសុំការបកស្រាយបន្ថែមពី លោក នុត សវនា អ្នកនាំពាក្យអគ្គនាយកដ្ឋានពន្ធនាគារបានឡើយ។ 

 

យ៉ាងណាក្នុងសេចក្ដីណែនាំថា ការចុះប្រតិបត្តិការធ្វើតេស្តរកសារធាតុញៀន នឹងដឹកនាំចុះអនុវត្តផ្ទាល់ដោយ

អគ្គនាយកដ្ឋានពន្ធនាគារ សហការជាមួយមន្ត្រីពេទ្យពន្ធនាគារគោលដៅនីមួយៗ។ លើសពីនេះ ការចុះពិនិត្យទឹកនោមនេះ គឺមិនមានការជូន

ដំណឹងជាមុនឡើយ។ 

 

អគ្គនាយកដ្ឋានពន្ធនាគារបានសង្កត់ធ្ងន់ដែរថាមន្ត្រីពន្ធនាគារណាមានចេតនាគេចវេសក្នុងការមិនចូលរួមសហការធ្វើតេស្ដ ឬរកឃើញមានសារធាតុញៀន នឹងសុំគោលការណ៍ពីក្រសួងមហាផ្ទៃ ដើម្បីអនុវត្តវិធានការតាមច្បាប់៕