ពិធីប្រារព្ធខួបនេះ មានការចូលរួមសម្ដេច សាយ ឈុំ ប្រធានព្រឹទ្ធសភា , សម្ដេច ឃួន សុដាវី ប្រធានរដ្ឋសភា , សម្ដេច ហ៊ុន ម៉ាណែត នាយករដ្ឋមន្រ្តី រួមទាំងបណ្ដាអង្គទូត ភ្ញៀវជាតិ និងអន្តរជាតិ ជាពិសេសអតីតសមាជិក UNTAC ផងដែរ។ ប្រធានក្រុមប្រឹក្សាធម្មនុញ្ញ លោក អ៊ឹម ឈុនលឹម ថ្លែងសុន្ទរកថា និងរបាយការណ៍ទូលថ្វាយព្រះមហាក្សត្រ ។  
 

រដ្ឋធម្មនុញ្ញកម្ពុជាចុងក្រោយ ដែលកំពុងអនុវត្តសព្វថ្ងៃ ត្រូវបានបង្កើតឡើងនៅថ្ងៃទី២៤ ខែកញ្ញា ១៩៩៣។ រដ្ឋធម្មនុញ្ញចុងក្រោយនេះ ត្រូវបានបង្កើតឡើងបន្ទាប់កម្ពុជា មានកិច្ចព្រមព្រៀងសន្តិភាពទីក្រុងប៉ារីស នៅថ្ងៃទី២៣ ខែតុលា ឆ្នាំ១៩៩១៕