កីឡាអន្តរជាតិ
អន្តរជាតិ
សង្គ្រាម Clasico រវាង Barcelona និង Real Madrid នារាត្រីនេះ
× នារាត្រីថ្ងៃអាទិត្យនេះ នឹងផ្តល់ជូននូវការប្រកួតដ៏សំខាន់បំផុតនៃរដូវកាលនេះក្នុងក្របខ័ណ្ឌ La Liga របស់អេស្ប៉ាញ នៅពេលដែលក្រុមជើងខ្លាំង Real Madrid ទទួលក្រុមភ្ញៀវ FC Barcelona នៅកីឡដ្ឋាន Santiago Bernabeu នាវេលាម៉ោង៣ទៀបភ្លឺ។
ការប្រកួតដែលមានឈ្មោះថា Clasico គឺជាការប្រកួតក្នុងចំណោមការប្រកួតដែលមានអ្នកទស្សនាច្រើនជាងគេបំផុតនៃរដូវកាលនេះ ដោយមិនមែនត្រឹមតែក្នុងប្រទេសអេស្ប៉ាញឡើយ ប៉ុន្តែ ទូទាំងពិភពលោក នៅពេលដែលក្រុមជើងខ្លាំងទាំងពីរជួបគ្នា។
ខណៈដែលត្រូវបានចាត់ទុកថា Barcelona និង Real Madrid គឺជាក្រុមខ្លាំងជាងគេបំផុតទាំងពីរនៅអេស្ប៉ាញ វាមិនមែនជារឿងគួរឲ្យភ្ញាក់ផ្អើលនោះឡើយថា ជំនួបឈ្មោះថា Clasico ជារឿយៗជាការប្រកួតកាត់សេចក្តី ហើយការប្រកួតនៅរដូវកាលនេះ ក៏មិនមានអ្វីខុសប្លែកគ្នាដែរ។
Real Madrid នឹងឈានទៅកាន់ការប្រកួតនេះជាមួយនឹងការនាំមុខ៤ពិន្ទុលើក្រុម Barcelona និងដឹងយ៉ាងច្បាស់ថា ការទទួលជ័យជម្នះនឹងធ្វើឲ្យពួកគេនាំមុខ៧ពិន្ទុដាច់នៅលើកំពូលតារាង៕
ជំនួបបីលើកចុងក្រោយ
Barcelona 2-1 Real Madrid
Real Madrid 2-1 Barcelona
Barcelona 1-3 Real Madrid
ប្រែសម្រួល ផេង សំណាង
© រក្សាសិទ្ធិដោយ thmeythmey.com