មិនកំណាញ់ស្នាមញញឹមទេ លោកយាយបានបង្ហាញនូវស្នាមជាមួយនឹងផ្ទៃមុខស្ងួតជ្រីវជ្រួញ ចំណែកធ្មេញស្ទើរតែមិននៅសេសសល់។ ពីមុនលោកយាយជាអ្នកអុំទូកខ្នាតតូច នាំភ្ញៀវកម្សាន្ត ក្រោមព្រៃដើមរាំងដ៏ពេញនិយមសម្រាប់ទេសចរ។ ដោយសារវ័យកាន់តែជរា ពិសេសរូបភាពមិនល្អសម្រាប់ទេសចរដែលថា ប្រើប្រាស់កម្លាំងពលកម្មមនុស្សចាស់នោះ ទើបលោកយាយត្រូវបង្ខំឱ្យឈប់ពីការងារអុំទូក។ 

ឥឡូវនេះលោកយាយ សូ ឡត់ មានពេលច្រើននៅផ្ទះ។ ទោះមិនបានចំណូលសមរម្យដូចមុនៗ តែការដាំបន្លែក៏ជាផ្នែកមួយជួយឱ្យលោកយាយបានចំណូលខ្លះ និងបានបញ្ចេញថាមពលផងដែរ៕