ដំណើការបាន១៥ឆ្នាំមកនេះ អង្គការស្លាបព្រាកម្ពុជា កំពុងបន្តបេសកកម្មជួយដល់យុវជនកម្ពុជា ដែលមកពីគ្រួសារក្រីក្រ តំបន់ដាច់ស្រយាល ជនជាតិដើមភាគតិច អ្នកបោះបង់ការសិក្សា អ្នកដែលធ្លាប់ចំណាកស្រុក និងយុវជនដែលគ្មានជំនាញពិតប្រាកដ ពីបណ្ដាខេត្តនានាក្នុងប្រទេស។ បេសកកម្មរបស់ ស្ពូន គឺបណ្ដុះបណ្ដាលជំនាញវិជ្ជាជីវៈ ដូចជាបម្រើអាហារ និងភេសជ្ជៈ, ចុងភៅ ដុតនំ និងឆុងកាហ្វេ។ 
 

តាំងពីចាប់ប្រតិបត្តិការក្នុងឆ្នាំ២០០៩ ក្នុងក្រុងសៀមរាបមក អង្គការមួយនេះ បានបណ្ដុះបណ្ដាលយុវជនជិត៥០០នាក់ ក្នុងនោះ៦០ភាគរយជាស្ត្រី បញ្ចប់ការសិក្សានៅទីនេះ ហើយពួកគេទាំងអស់ទទួលបាន​ឱកាសការងារគ្រប់ៗគ្នា។