កីឡាជាតិ
U21 កម្ពុជាប្រកួតជាមួយ U21 ឡាវនាម៉ោង ៦ល្ងាចនេះនៅ Lao National Stadium កីឡាករប្រាក់ មុន្នីឧត្តម នាជំនួបជាមួយឡាវ ក្នុងព្រឹត្តិការណ៍ BIDC CUP 2013 នៅភ្នំពេញ
× ក្រុមបាល់ទាត់ជម្រើសជាតិកម្ពុជាក្រោមអាយុ២១ឆ្នាំ (U21) ត្រូវប្រកួតមិត្តភាពអន្តរជាតិជាមួយក្រុម U21 ឡាវនៅល្ងាចថ្ងៃទី ២ សីហា នេះនៅកីឡដ្ឋាននៅកីឡដ្ឋាន Lao National Stadium ក្នុងក្រុងវៀងចន្ទន៍វេលាម៉ោង ៦ ល្ងាចនេះ។
ការប្រកួតមិត្តភាពរបស់ក្រុមទាំង២ គឺដើម្បីពិនិត្យមើលទម្រង់លេងរបស់កូនក្រុមដើម្បីទៅចូលរួមប្រកួតក្នុងពានព្រះមហាក្សត្រប្រទេសប្រ៊ុយណេ Hassanal Bolkiah Trophy 2014 (HBT2014) នៅប្រទេសប្រ៊ុយណេ ដែលនឹងចាប់ផ្ដើមពីថ្ងៃទី០៨ ខែសីហា ឆ្នាំ២០១៤ ខាងមុខ។
សម្រាប់ក្រុមកម្ពុជាបានធ្វើដំណើរទៅដល់ប្រទេសឡាវ តាំងពីថ្ងៃទី ៣១ កក្កដា មកម៉្លេះ ដែលដឹកនាំក្រុមដោយ លោក Lee Tae Hoon និងសមាជិក U21 ចំនួន ១៨ នាក់ ក្រោយប្រមូលផ្ដុំគ្នានៅមជ្ឍមណ្ឌលកីឡាបាល់ទាត់ជាតិទន្លេបាទីចំនួន ៣ ថ្ងៃ បន្ទាប់ពីចប់រដូវកាលលីកកម្ពុជា២០១៤ (MCL 2014)៕
© រក្សាសិទ្ធិដោយ thmeythmey.com