ក្លិបវេស្ទើនតែងតាំងលោក ប៉ែន ផាត ជាគ្រូបង្វឹកនារដូវកាលក្រោយ

កីឡាជាតិ

ជាតិ

ក្លិបវេស្ទើនតែងតាំងលោក ប៉ែន ផាត ជាគ្រូបង្វឹកនារដូវកាលក្រោយ

25, Aug 2014 , 4:31 pm

រូបភាព

ដោយ: អុឹង ចំរើន (Ung Chamroeun)

លោក ប៉ែន ផាត អតីតខ្សែប្រយុទ្ធឆ្នើមនៃក្រុមជម្រើសជាតិកម្ពុជានៅមុនសម័យសង្គ្រាម នឹងកាន់កាប់តំណែងជាគ្រូបង្វឹកក្រុមកីឡាបាល់ទាត់វេស្ទើនយូនីអែហ្វស៊ី ចាប់ពីខែវិច្ឆិកា ឆ្នាំ២០១៤ ខាងមុខ។ នេះបើតាមការប្រកាសនៅលើគណនីហ្វេសប៊ុកផ្លូវការរបស់ក្លិបនៅថ្ងៃចន្ទ ទី២៥ ខែសីហា ឆ្នាំ២០១៤ ។

ក្លិបវេស្ទើនដែលបានបញ្ចប់ចំណាត់ថ្នាក់លេខ១០កាលពីរដូវកាលមុននោះ អះអាងថា៖ «លោក ប៉ែន ផាត នឹងក្លាយជាគ្រូបង្វឹកក្រុមវេស្ទើននៅពេលដែលគាត់ត្រឡប់មកកាន់កម្ពុជាវិញនាខែវិច្ឆិកា ឆ្នាំ២០១៤ ហើយលោក ឡុង រិទ្ធា នឹងក្លាយជាគ្រូជំនួយរបស់គាត់នារដូវកាលឆ្នាំ២០១៥ ផងដែរ»។ ការតែងតាំងនេះ គឺកើតឡើងក្រោយកិច្ចពិភាក្សាជាច្រើនថ្ងៃរវាងលោក ប៉ែន ផាត [ដែលបានចេញដំណើរទៅកាន់ប្រទេសបារាំងកាលពីថ្ងៃម្សិលមិញ] ជាមួយលោក តែ ឡូរ៉ង់ សាកលវិទ្យាធិការនៃសាកលវិទ្យាល័យវេស្ទើន និងលោក ឡៃ សុធា អ្នកចាត់ការទូទៅក្លិបវេស្ទើន។

បើតាមការប្រកាសរបស់ក្លិប លោក ប៉ែន ផាត អាចនឹងបំពេញបេសកកម្មលើកដំបូងជាមួយក្លិបក្នុងព្រឹត្តិការណ៍ Asean University Cup នៅក្នុងប្រទេសឥណ្ឌូនេស៊ី នាខែធ្នូខាងមុននេះ ខណៈពេលបច្ចុប្បន្ន លោក ឡុង រិទ្ធា ជាអ្នកទទួលបន្ទុកដឹកនាំការហ្វឹកហាត់។

លោក ប៉ែន ផាត វ័យ៦៦ឆ្នាំ ជាអតីតខ្សែប្រយុទ្ធជម្រើសជាតិកម្ពុជាកាលពីទសវត្ស១៩៦០-៧០ ។ លោកក៏បានកសាងកេរ្តិ៍ឈ្មោះល្បីល្បាញផងដែរនៅក្នុងក្លិប Rapracha នៃក្របខណ្ឌកំពូលរបស់ថៃនាសម័យនោះ រហូតទទួលបានរហស្សនាមថា «ពស់កេងកង» ហើយលោកជាសមាជិកម្នាក់ដែលបានជួយឲ្យកម្ពុជាទទួលបានចំណាត់ថ្នាក់លេខ៤នៃ ពានរង្វាន់ទ្វីបអាស៊ី កាលពីឆ្នាំ១៩៧២ ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

4 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

5 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

6 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

1 សប្តាហ៍

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

4 ថ្ងៃ

អត្ថបទពេញនិយមបន្ថែម