ព័ត៍មានសុខភាព
សុខភាព៖ វីតាមីនទាំងអស់មានសុវត្ថិភាពឬទេ ចំពោះស្ត្រីមានផ្ទៃពោះ?
× វីតាមីនធម្មតានិងវីតាមីនរបស់ស្ត្រីមុនពេលសម្រាលគឺមានសុវត្ថិភាពក្នុងអំឡុងពេលមានផ្ទៃពោះនិងអាចមានប្រយោជន៍ជាច្រើនផ្សេងទៀត។ស្ត្រីដែលមានផ្ទៃពោះឬស្ត្រីដែលចង់បានកូន គួរតែប្រើប្រាស់វីតាមីនជាប្រចាំរៀងរាល់ថ្ងៃឬវីតាមីនរបស់ស្ត្រីមុនពេលសម្រាលដែលមានយ៉ាងហោចណាស់៤០០ម៉ាយក្រូក្រាម នៃអាស៊ីតហ្វូលីក(folic acid)។
វាគឺជាការល្អបំផុតដែលអ្នកគួរតែចាប់ផ្តើមទទួលទានវីតាមីនទាំងនេះ មុនពេលមានផ្ទៃពោះឬប្រសិនបើអ្នកគិតថាអ្នកកំពុងមានផ្ទៃពោះតែមិនប្រាកដ។អាស៊ីតហ្វូលីកអាចកាត់បន្ថយឱកាសនៃបញ្ហាខុសប្រក្រតីរបស់ខួរក្បាល និងឆ្អឹងកងខ្នងដូចជាជំងឺលៀនខួរឆ្អឹងខ្នង (spina bifida)ដែលធ្វើឱ្យឆ្អឹងកងខ្នងឬខួរក្បាលបង្កើតមកមានលក្ខណៈមិនត្រឹមត្រូវ។ គួរមើលព័ត៌មានទៅលើអាស៊ីតហ្វូលីក ថាតើអ្នកបានទទួលវាគ្រប់គ្រាន់ ហើយឬនៅ។ជាតិដែកអាចជួយបងា្ករការខ្វះគ្រាប់ឈាម (ខ្វះគ្រាប់ឈាមធ្វើឱ្យមានភាពស្លេកសាំ្លង)។
វាជាការដែលសំខាន់ណាស់ដែលអ្នកគួរទទួលកម្រិតរបស់វីតាមីនតាមវេជ្ជបញ្ជារបស់វេជ្ជបណ្ឌិត។ ការទទួលវីតាមីនច្រើនពេកក៏អាចធ្វើឱ្យប៉ះពាល់ដល់ទារករបស់អ្នកផងដែរ។ ឧទហរណ៍ ការទទួលកម្រិតដ៏ខ្ពស់នៃវីតាមីន Aអាចធ្វើឱ្យមានពិការភាពពីកំណើតយ៉ាងធ្ងន់ធ្ងរផងដែរ៕
ផ្តល់សិទ្ធិដោយ www.health.com.kh © រក្សាសិទ្ធិដោយ thmeythmey.com