ព័ត៍មានសុខភាព
សុខភាព៖ ការធ្វើលំហាត់ប្រាណ អាចជួយការឈឺកញ្ចឹងក
× ថ្មីៗនេះ តាមរយៈការសិក្សាស្រាវជ្រាវរបស់លោក Danish ក្នុងគោលបំណងកាត់បន្ថយបញ្ហាការឈឺចាប់លើកញ្ចឹងក បានបង្ហាញឲ្យឃើញថា ការឈឺចាប់កញ្ចឹងក គឺអាចនឹងត្រូវបានកាត់បន្ថយ តាមរយៈការហ្វឹកហាត់ហាត់ ដើម្បីពង្រឹង និងបន្តឹងសាច់ដុំ។
ការព្យាយាមធ្វើចលនាបន្ដឹងសាច់ដុំបានត្រឹមត្រូវល្អ គឺអាចជួយកាត់បន្ថយការឈឺចាប់ និងការចុករោយ តាមកញ្ចឹងករបស់អ្នកបាន ហើយព្រមទាំងអាច ជួយព្យាបាលអ្នកដែលមានបញ្ហារលាកសន្លាក់នៅនឹងឆ្អឹងកងកបានទៀតផង។ លំហាត់ប្រាណដែលល្អសម្រាប់ការពន្យឺត ឬបន្ដឹងសាច់ដុំ ដើម្បីកាត់បន្ថយការឈឹចាប់ឆ្អឹងកញ្ចឹងកបានល្អ គឺការធ្វើលំហាត់ប្រាណតាមបែប យូហ្គា ដែលជាប្រភេទលំហាត់ប្រាណមួយ ទាមទារឲ្យអ្នកធ្វើចលនាបន្ដឹងសាច់ដុំបានយូរ ហើយអាចជួយសម្រួលដល់សាច់ដុំ ដែលនៅតាមបណ្ដោយឆ្អឹងកងក និងឆ្អឹងកងខ្នង ឲ្យរត់ស្មើគ្នាបានល្អ។ មិនតែប៉ុណ្ណោះ វាក៏អាចជួយកាត់បន្ថយ សម្ពាធនៅតាមប្រព័ន្ធសរសៃប្រសាទ និងចន្លោះសន្ទះឆ្អឹងកងខ្នងផងដែរ។ មួយវិញទៀត ការធ្វើលំហាត់ប្រាណតាមបែប Qigong’s យឺតៗ គឺអាចជួយកាត់បន្ថយបញ្ហាការឈឺរ៉ាំរ៉ៃ នៅតាមឆ្អឹងកងក ស្មា និងផ្នែកខាងលើនៃរាង្គកាយបានចំនួនដែរ។
យ៉ាងណាមិញ ការធ្វើចលនាតាមបែប Qigong’s គឺមិនខុសទៅនឹងការធ្វើចលនាតាមបែប យូហ្គា នោះទេ គឺទាមទារឲ្យអ្នកធ្វើការដកដង្ហើមឲ្យបានជ្រៅៗ ដើម្បីឲ្យប្រព័ន្ធសរសៃប្រសាទ នៅក្នុងខ្លួនរត់បានស្រួល និងទទួលបានអុកស៊ីសែន រត់គ្រប់គ្រាន់នៅក្នុងសរសៃឈាម៕
© រក្សាសិទ្ធិដោយ thmeythmey.com