ជាតិ
សុខភាព
វិធីសាស្ត្រផ្តាច់បារី នៅក្នុងឆ្នាំ ២០១៥
× ការផ្តាច់បារី គឺជាដំណោះស្រាយមួយទូទៅក្នុងឆ្នាំថ្មីនេះ ហើយសមាគមន៍ជំងឺសួតអាមេរិច មានវិធីសាស្ត្រមួយចំនួន ដែលអាចជួយអ្នកជក់បារី អោយទាត់ទម្លាប់អាក្រក់នេះចោល ក្នុងឆ្នាំ ២០១៥ នេះ។
អ្នកជក់បារី ដែលព្យាយាមផ្តាច់បារី គួរតែពិចារណា ៖
- វាមិនដែលយឺតពេល ក្នុងការផ្តាច់បារីនោះទេ ៖ ទោះបីជាការផ្តាច់បារីលឿនប៉ុណ្ណា ដែលអាចធ្វើទៅបាន គឺជារឿងល្អបំផុតក៏ដោយ ប៉ុន្តែ ជៀសវាងការជក់បារី នៅពេលណាមួយក៏ដោយ វានឹងផ្តល់ភាពប្រសើរឡើងដល់សុខភាព និងជួយអោយអ្នករស់បានយូរ។ ប្រសិនបើអ្នកនឹងមិនទិញបារីទេនោះ អ្នកនឹងមាននលុយច្រើន នៅក្នុងហោប៉ៅរបស់អ្នក។ ដោយការផ្តាច់បារី អ្នកអាចហឺតអ្នកជក់បារីដទៃទៀត ដើម្បីធ្វើវាដូចគ្នា។
- សិក្សាពីអតីតកាល ៖ ប្រសិនបើអ្នកមិនជោគជ័យ ក្នុងការផ្តាច់បារីពីមុនទេនោះ សូមកុំអស់សង្ឃឹម។ អ្នកអាចយកបទពិសោធន៍ទាំងនោះ ក្នុងរបៀបថ្មី ដើម្បីផ្តាច់វា។ សិក្សាពីកំហុសរបស់អ្នក ហើយទុកអោយអ្នក ទទួលបានជោគជ័យនាពេលអនាគត។
- កុំធ្វើវាតែម្នាក់ឯង ៖ ប្រសិនបើអ្នកបានសម្រេចចិត្តថា ផ្តាច់បារី សូមអោយមានការគាំទ្រពីមិត្ត និងសាច់ញាតិរបស់អ្នក។ ការចែករំលែកបទពិសោធន៍របស់អ្នក អាចជួយបន្ថយការជក់បារីបាន។ អ្នកជក់បារីដទៃទៀតដែលអ្នកស្គាល់ ក៏អាចសម្រេចចិត្ត ទាត់ទម្លាប់អាក្រក់នោះចោលបានផងដែរ។
- ពិចារណាពីការប្រើថ្នាំ ៖ មានថ្នាំ ៧ ត្រូវបានអនុម័តអោយប្រើប្រាស់ដោយ FDA ដែលត្រូវបានបង្ហាញថា អាចជួយអ្នកជក់បារីអោយផ្តាច់បារី។ បញ្ហា គឺថា អ្នកជក់បារីជាច្រើន មិនប្រើវាដោយត្រឹមត្រូវ ឬឈប់ប្រើវាឆាប់ពេក។ ប្រសិនបើអ្នកសម្រេចចិត្តថាប្រើថ្នាំ សូមពិគ្រោះជាមួយនឹងគ្រូពេទ្យ និងប្រើថ្នាំនោះអោយបានត្រឹមត្រូវ។
- អ្នកជក់បារីទាំងអស់ អាចផ្តាច់បាន ៖ ប្រសិនបើអ្នកគិតថា ការផ្តាច់បារី គឺមិនអាចទៅរួចនោះ សូមគិតវាម្តងទៀត។ មានអ្នកជក់បារីជាង ៥០ លាននាក់ បានផ្តាច់បារី។ ដើម្បីផ្តាច់បារីដោយជោគជ័យ អ្នកជក់បារីទាំងអស់ ត្រូវតែរកយុទ្ធសាស្ត្រ នៃការផ្តាច់បារីអោយបានច្រើន មកគួបផ្សំគ្នា ដើម្បីធ្វើអោយមានប្រសិទ្ធភាព។ រឿងល្អសំខាន់បំផុតនោះគឺ មិនត្រូវបោះបង់ចោលនោះទេ៕
ផ្តល់សិទ្ធិផ្សាយដោយគេហទំព័រ www.health.com.kh
© រក្សាសិទ្ធិដោយ thmeythmey.com