ជាតិ
×![]()
ភ្នំពេញ៖ កំពុងតែក្តោបក្តាប់ពេលវេលា ដើម្បីពង្រីកអាជីពបង្កើនសមត្ថភាព សម្រាប់អាជីពសិល្បៈ ព្រមគ្នានឹងដំណឹងថ្មីមួយទៀតថា កញ្ញាសុខ ស្រីម៉ុចនាងកំពុងមានស្នេហ៍យ៉ាងស្ងាត់កំបាំង ដោយមិនទម្លាយឲ្យមហាជនបានជ្រាបឡើយ។
កញ្ញាសុខ ស្រីម៉ុចត្រូវបានគេមើលឃើញថា កំពុងត្រូវប៉ាន់ទាំងខាងសម្តែងភាពយន្ត ខារ៉ាអូខេ និងស្ពតផ្សាយ ពាណិជ្ជកម្មនានាមានសន្ទុះខ្ពស់ឡើងគួរឱ្យកត់សម្គាល់ ខុសពីមុនឆ្ងាញ់ណាស់ ដែលនេះ សបញ្ជាក់ឱ្យឃើញថា ស្រីម៉ុច រកចំណូលបាន ក៏មិនស្មើដែរ តាមរយៈការងារសិល្បៈនេះ។
ប៉ុន្តែ មានប្រភពខ្លះបានលួចខ្សឹបថា ភាព ហ៊ឺហាររបស់កញ្ញាស្រីម៉ុច ពេលនេះ មិនមែនបានមកពីកម្លាំងញើសឈាមរបស់នាងទាំងអស់ នោះទេ ពីព្រោះបើទោះជាបច្ចុប្បន្នស្រីម៉ុច មានការងារច្រើននៅក្នុងដៃ តែមិនទាន់ដល់កម្រិតកំពូលនៅឡើយ ហេតុនេះចំពោះតម្លៃ ខ្លួនរបស់ស្រីម៉ុច ក៏មិនទាន់ជាថ្លៃអីប៉ុន្មាននោះដែរ ជាការពិត វាមិនសមល្មមយកមកបំពេញ នូវភាពហ៊ឺហារអមដោយសម្ភារៈប្រើប្រាស់ទំនើបៗ ដូចជានាងសុខ ស្រីម៉ុច មានប្រើប្រាស់ សព្វថ្ងៃនេះដែរ។កញ្ញាសុខ ស្រីម៉ុច មិនធ្វើការបកស្រាយ ពីរឿងស្នេហានោះទេ គ្រាន់តែនាងប្រាប់យ៉ាងខ្លីថា អត់ទាន់មានអីទាំងអស់។ តែស្រីម៉ុច បាន ទទួលស្គាល់ការពិតចំពោះដំណឹងថា នាងក្លាយទៅជាពិធីការិនីនៅទូរទស្សន៍ថ្មីមួយនោះ។ កញ្ញាសុខ ស្រីម៉ុច បាននិយាយថា កម្មវិធី ដែលគេតម្រូវឱ្យខ្ញុំកាន់ពេលនេះ គឺការជជែកពិភាក្សាជុំវិញបញ្ហានៃការវិវឌ្ឍន៍របស់ជំងឺថ្មី ដែលទើបនឹងកើតមាន គឺជំងឺអេបូឡា និងវិធី បង្ការ ដែលមានការចូលរួមបង្ហាញ និងបកស្រាយពីវេជ្ជបណ្ឌិតជំនាញ។
កម្មវិធីនេះនឹង មានការចាក់ផ្សាយរៀងរាល់ថ្ងៃពុធ វេលាម៉ោង ៥ ដល់ម៉ោង៦ល្ងាច។ ស្រីស្រស់ សុខ ស្រីម៉ុច បន្តថា ការពិតកម្ម វិធីដែលខាងទូរទស្សន៍ NTV ផ្តល់ឱ្យរូបនាង កាន់កាប់នោះ ជាកម្មវិធីមួយដែលមានប្រ- យោជន៍ និងផ្តល់ចំណេះដឹងផ្នែកសុខភាពជូន ដល់ប្រជាពលរដ្ឋទូទៅ មិនមែនជាកម្មវិធីប្រគំ តន្ត្រីកម្សាន្តសប្បាយអីនោះទេ៕
© រក្សាសិទ្ធិដោយ thmeythmey.com
