ជាតិ
នយោបាយជាតិ
អតីតនាយករដ្ឋមន្ត្រីខ្មែរ បង្កើតមូលនិធិជួយកុមារកំព្រា
×
អតីតនាយករដ្ឋមន្ត្រីនៃសាធារណរដ្ឋប្រជាមានិតកម្ពុជា លោក ប៉ែន សុវណ្ណ គ្រោងនឹងសម្ពោធជាផ្លូវការនូវមូលនិធិសប្បុរសធម៌មួយឈ្មោះ «មូលនិធិ ប៉ែន សុវណ្ណ» នាពេលដ៏ឆាប់ខាងមុខនេះ។ នេះបើតាមសេចក្តីប្រកាសព័ត៌មានដែលសារព័ត៌មានថ្មីៗទទួលបាននៅថ្ងៃអង្គារទី ៦ ខែ មករា ឆ្នាំ ២០១៥ និងចុះហត្ថលេខាដោយលោក ប៉ែន សុវណ្ណ នៅប៉ុន្មាននាទីមុននេះ ។
លោក ប៉ែន សុវណ្ណ ដែលបច្ចុប្បន្នជាតំណាងរាស្ត្រគណបក្សសង្គ្រោះជាតិ មណ្ឌលកំពង់ស្ពឺផងនោះ បានអះអាងនៅក្នុងសេចក្តីប្រកាសព័ត៌មានរបស់ខ្លួនថា មូលនិធិ ប៉ែន សុវណ្ណ នេះនឹងផ្តោតសំខាន់ទៅលើសកម្មភាពមនុស្សធម៌ មិនរើសអើងពូជសាសន៍ សាសនា និងនិន្នាការនយោបាយឡើយ។ ហើយមូលនិធិនេះ នឹងផ្តល់មូលនិធិដល់មណ្ឌលសង្គ្រោះ មណ្ឌលកុមារកំព្រា និងសកម្មភាពសង្គ្រោះនានា ។ «ជាពិសេស លើកស្ទួយការសិក្សាអប់រំដល់កុមារកំព្រា កុមារខ្វះខាតលទ្ធភាព និងគ្រួសារទីទល់ក្រ ហើយផ្តល់ជំនួយផ្នែកសុខាភិបាលជួយរំលែកទុក្ខលំបាកដល់ពលរដ្ឋចំពោះគ្រោះមហន្តរាយធម្មជាតិនិងលើកកម្ពស់ការអភិវឌ្ឍសង្គម» ។ នេះបើតាមសេចក្តីប្រកាសព័ត៌មានដដែល។
© រក្សាសិទ្ធិដោយ thmeythmey.com