ជាតិ
នយោបាយជាតិ
លោក អ៊ូ វីរៈ៖ ខ្ញុំចេញពី CCHR ដើម្បីផ្ញើសារដល់ប្រធានNGO ដែលក្រាញអំណាច
×![]()
អតីតប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ បានសម្រេចលាឈប់ពីតំណែងប្រធានក្រុមប្រឹក្សាមជ្ឈមណ្ឌលនេះជាផ្លូវការហើយ ។ ការលាឈប់ពីតំណែងរបស់លោកពេលនេះ មិនមែន ដើម្បីទៅចូលរួមជាមួយគណបក្សថ្មីរបស់ក្រុមបណ្តាញសង្គម ដែលគ្រោងនឹងបង្កើតនាពេលខាងមុខនោះទេ ហើយថែមទាំងមិនមែនទៅចូលរួមជាមួយគណបក្សនយោបាយណាមួយដែរ។ តែការលាឈប់របស់លោកលើកនេះ ដោយសារមជ្ឈមណ្ឌលសិទ្ធិមនុស្សកម្ពុជា មានធនធានមនុស្សគ្រប់គ្រាន់ ដើម្បីកាន់តំណែងជំនួសលោក ហើយជាងនេះទៀត លោកចង់ផ្ញើសារដល់មេដឹកនាំស្ថាប័នមួយចំនួនជាពិសេសអង្គការក្រៅរដ្ឋាភិបាលដែលកាន់តំណែងយូរ ។ ទាំងអស់នេះ ជាការអះអាងរបស់លោក អ៊ូ វីរៈ នៅក្នុងបទសម្ភាសន៍ជាមួយ លោក ជា ធីរិទ្ធ ការីនិពន្ធព័ត៌មានជាតិនៃសារព័ត៌មានថ្មីៗ ។ 
លោក ជា ធីរិទ្ធ៖ លោក អ៊ូ វីរៈ ការលាឈប់ពីតំណែងនៅក្នុងមជ្ឈមណ្ឌលសិទ្ធិមនុស្សកម្ពុជារបស់លោកពេលនេះ បានធ្វើឡើង ចំពេលដែលបណ្តាញចលនាសង្គម គ្រោងនឹងបង្កើតបក្សថ្មី។ ហើយធ្វើឲ្យមានការសង្ស័យថា រូបលោកនឹងទៅចូលរួមជាមួយគណបក្សថ្មីនេះ។ តើវាជាការពិតទេ?
លោក អ៊ូ វីរៈ ៖ តាមពិតទៅ ការលាឈប់របស់ខ្ញុំនេះ មានគេនិយាយផ្សេងៗច្រើនណាស់។ ពេលខ្លះខ្ញុំមិនចង់បកស្រាយទុកឲ្យគេនិយាយចុះ ព្រោះវាសប្បាយម្យ៉ាងដែរ។ តែដោយសារលោកសួរទៅហើយ ខ្ញុំសូមបញ្ជាក់ថា ខ្ញុំមិនទៅចូលរួមជាមួយគណបក្សថ្មីរបស់ក្រុម លោក កែម ឡី លោក យ៉ង សាំងកុមារ នោះទេ ។ បើនិយាយដោយខ្លី ខ្ញុំមិនចូលជាមួយគណបក្សនយោបាយណាទាំងអស់។ តែខ្ញុំស្វាគមន៍ នឹងជជែកពិភាក្សាជាមួយគ្រប់ភាគីបក្សនយោបាយទាំងអស់ ប្រសិនចង់ស្វែងរកយន្តការ ដើម្បីដោះស្រាយបញ្ហាជាតិ ។
លោក ជា ធីរិទ្ធ៖ ចុះហេតុអ្វីបានលោកសម្រេចលាឈប់ពីតំណែងនៅមជ្ឈមណ្ឌលនេះ?
លោក អ៊ូ វីរៈ ៖ តាមពិតខ្ញុំបានធ្វើរឿងដែលខ្ញុំត្រូវធ្វើនៅក្នុងមជ្ឈមណ្ឌលសិទ្ធិមនុស្សបានល្អច្រើនហើយ។ ពីព្រោះខ្ញុំបានបណ្តុះធនធានមនុស្សជំនាន់ក្រោយដែលមានសមត្ថភាព ឲ្យកាន់តំណែងជំនួសខ្ញុំបាន ។ ខ្ញុំតែងតែប្រកាន់ជំហរមួយថា ប្រសិនបើខ្ញុំរកមនុស្ស ឬបណ្តុះយុវជនជំនាន់ក្រោយឲ្យមានសមត្ថភាព កាន់តំណែងជំនួសខ្ញុំមិនបានទេ មានន័យស្មើនឹងខ្ញុំគ្មានសមត្ថភាពដឹកនាំ។ ជាងនេះទៅទៀត ខ្ញុំចង់ផ្ញើសារទៅមេដឹកនាំស្ថាប័នមួយចំនួន ជាពិសេសមេដឹកនាំអង្គការក្រាញអំណាច ដែលតែងរិះគន់មេដឹកនាំរដ្ឋាភិបាលថា ជាមេដឹកនាំ កាន់អំណាចយូរ តែខ្លួនឯងក៏កាន់ដំណែងយូរដែរ។ ខ្ញុំគិតថា មានតែការចាប់ផ្តើមពីខ្លួនយើងម្នាក់ៗទេ ទើបមានការផ្លាស់ប្តូរដ៏មានប្រសិទ្ធិភាព។ ហើយវាក៏ជាការផ្តល់ឱកាសដល់យុវជនជំនាន់ក្រោយ ដើម្បីបញ្ចេញចំណេះដឹង និងសមត្ថភាពរបស់ពួកគេជូនជាតិ និងស្ថាប័នផងដែរ។
លោក ជា ធីរិទ្ធ ៖ ជាសំណួរចុងក្រោយ លោក អ៊ូ វីរៈ បើចូលធ្វើនយោបាយជាមួយបក្សថ្មីក៏មិនធ្វើ ចូលជាមួយបក្សនយោបាយដទៃ ក៏មិនចូល ។ តើលោកនឹងធ្វើអ្វីបន្តទៀតក្នុងជីវិត?
លោក អ៊ូ វីរៈ ៖ ពីមុនមកខ្ញុំលាក់បាំង តែពេលនេះ ខ្ញុំសូមជម្រាបលោកតែម្តងទៅថា ខ្ញុំមានការងារខ្ញុំច្រើន ពោលគឺខ្ញុំនឹងបង្កើតមជ្ឈមណ្ឌលស្រាវជ្រាវគោលនយោនបាយសាធារណៈមួយនៅពេលឆាប់ៗខាងមុខដែលមានឈ្មោះថា«វេទិកាអនាគត» ។ ខ្ញុំចង់បង្កើតឲ្យមានក្រុមស្រាវជ្រាវ ដើម្បីដោះស្រាយបញ្ហាជាតិ ជាជាងនាំគ្នានិយាយតែពីបញ្ហាគ្មានដំណោះស្រាយ។ ជាក់ស្តែងដូចថ្ងៃ ៧ មករា ជាដើម គិតតែនាំគ្នារិះគន់គ្នា ឬកេងចំណេញទៅវិញទៅមក តែមិននាំគ្នាគិតថា ធ្វើយ៉ាងដូចម្តេចឲ្យកម្ពុជារីកចម្រើននោះឡើយ?
លោក ជា ធីរិទ្ធ៖ លោក អ៊ូ វីរៈ ការលាឈប់ពីតំណែងនៅក្នុងមជ្ឈមណ្ឌលសិទ្ធិមនុស្សកម្ពុជារបស់លោកពេលនេះ បានធ្វើឡើង ចំពេលដែលបណ្តាញចលនាសង្គម គ្រោងនឹងបង្កើតបក្សថ្មី។ ហើយធ្វើឲ្យមានការសង្ស័យថា រូបលោកនឹងទៅចូលរួមជាមួយគណបក្សថ្មីនេះ។ តើវាជាការពិតទេ?
លោក អ៊ូ វីរៈ ៖ តាមពិតទៅ ការលាឈប់របស់ខ្ញុំនេះ មានគេនិយាយផ្សេងៗច្រើនណាស់។ ពេលខ្លះខ្ញុំមិនចង់បកស្រាយទុកឲ្យគេនិយាយចុះ ព្រោះវាសប្បាយម្យ៉ាងដែរ។ តែដោយសារលោកសួរទៅហើយ ខ្ញុំសូមបញ្ជាក់ថា ខ្ញុំមិនទៅចូលរួមជាមួយគណបក្សថ្មីរបស់ក្រុម លោក កែម ឡី លោក យ៉ង សាំងកុមារ នោះទេ ។ បើនិយាយដោយខ្លី ខ្ញុំមិនចូលជាមួយគណបក្សនយោបាយណាទាំងអស់។ តែខ្ញុំស្វាគមន៍ នឹងជជែកពិភាក្សាជាមួយគ្រប់ភាគីបក្សនយោបាយទាំងអស់ ប្រសិនចង់ស្វែងរកយន្តការ ដើម្បីដោះស្រាយបញ្ហាជាតិ ។
លោក ជា ធីរិទ្ធ៖ ចុះហេតុអ្វីបានលោកសម្រេចលាឈប់ពីតំណែងនៅមជ្ឈមណ្ឌលនេះ?
លោក អ៊ូ វីរៈ ៖ តាមពិតខ្ញុំបានធ្វើរឿងដែលខ្ញុំត្រូវធ្វើនៅក្នុងមជ្ឈមណ្ឌលសិទ្ធិមនុស្សបានល្អច្រើនហើយ។ ពីព្រោះខ្ញុំបានបណ្តុះធនធានមនុស្សជំនាន់ក្រោយដែលមានសមត្ថភាព ឲ្យកាន់តំណែងជំនួសខ្ញុំបាន ។ ខ្ញុំតែងតែប្រកាន់ជំហរមួយថា ប្រសិនបើខ្ញុំរកមនុស្ស ឬបណ្តុះយុវជនជំនាន់ក្រោយឲ្យមានសមត្ថភាព កាន់តំណែងជំនួសខ្ញុំមិនបានទេ មានន័យស្មើនឹងខ្ញុំគ្មានសមត្ថភាពដឹកនាំ។ ជាងនេះទៅទៀត ខ្ញុំចង់ផ្ញើសារទៅមេដឹកនាំស្ថាប័នមួយចំនួន ជាពិសេសមេដឹកនាំអង្គការក្រាញអំណាច ដែលតែងរិះគន់មេដឹកនាំរដ្ឋាភិបាលថា ជាមេដឹកនាំ កាន់អំណាចយូរ តែខ្លួនឯងក៏កាន់ដំណែងយូរដែរ។ ខ្ញុំគិតថា មានតែការចាប់ផ្តើមពីខ្លួនយើងម្នាក់ៗទេ ទើបមានការផ្លាស់ប្តូរដ៏មានប្រសិទ្ធិភាព។ ហើយវាក៏ជាការផ្តល់ឱកាសដល់យុវជនជំនាន់ក្រោយ ដើម្បីបញ្ចេញចំណេះដឹង និងសមត្ថភាពរបស់ពួកគេជូនជាតិ និងស្ថាប័នផងដែរ។
លោក ជា ធីរិទ្ធ ៖ ជាសំណួរចុងក្រោយ លោក អ៊ូ វីរៈ បើចូលធ្វើនយោបាយជាមួយបក្សថ្មីក៏មិនធ្វើ ចូលជាមួយបក្សនយោបាយដទៃ ក៏មិនចូល ។ តើលោកនឹងធ្វើអ្វីបន្តទៀតក្នុងជីវិត?
លោក អ៊ូ វីរៈ ៖ ពីមុនមកខ្ញុំលាក់បាំង តែពេលនេះ ខ្ញុំសូមជម្រាបលោកតែម្តងទៅថា ខ្ញុំមានការងារខ្ញុំច្រើន ពោលគឺខ្ញុំនឹងបង្កើតមជ្ឈមណ្ឌលស្រាវជ្រាវគោលនយោនបាយសាធារណៈមួយនៅពេលឆាប់ៗខាងមុខដែលមានឈ្មោះថា«វេទិកាអនាគត» ។ ខ្ញុំចង់បង្កើតឲ្យមានក្រុមស្រាវជ្រាវ ដើម្បីដោះស្រាយបញ្ហាជាតិ ជាជាងនាំគ្នានិយាយតែពីបញ្ហាគ្មានដំណោះស្រាយ។ ជាក់ស្តែងដូចថ្ងៃ ៧ មករា ជាដើម គិតតែនាំគ្នារិះគន់គ្នា ឬកេងចំណេញទៅវិញទៅមក តែមិននាំគ្នាគិតថា ធ្វើយ៉ាងដូចម្តេចឲ្យកម្ពុជារីកចម្រើននោះឡើយ?
© រក្សាសិទ្ធិដោយ thmeythmey.com
