ព័ត៍មានសុខភាព
សុខភាព៖ រោគសញ្ញា ជំងឺមហារីកសុដន់
× មហារីកសុដន់ ជារោគវិនិច្ឆ័យមួយ ដែលកើតឡើងច្រើនជាងគេ។ បើអាចរកឃើញនៅដំណាក់កាលដំបូង ក្តីសង្ឈឹមរស់ គឺខ្ពស់។ អ្នកអាចរកឃើញដោយខ្លួនឯង ឬ ដោយការពិនិត្យសុខភាព និងសុដន់ប្រចាំឆ្នាំ។
ទាំងនេះ គឺជាសញ្ញា នៃជំងឺមហារីកសុដន់ខ្លះៗ ៖
• ការសង្កេតឃើញដុំ ៖ ពេលធ្វើការស្ទាបសុដន់ដោយខ្លួនឯង ភាគច្រើន វាស្ថិតនៅក្រោមក្លៀក ក្នុងឆ្អឹង ជិតកូនកណ្ដុរ និងជុំវិញដោះ ហើយវាជាដុំរឹងហើយតឹង។
• រមាស់សុដន់ ៖ វាកើតឡើងដោយសារការហូរសារធាតុរាវពីក្បាលដោះ និង ជាលិកាសុដន់ ហើយឡើងក្រាស់ ឬផ្លាស់ប្ដូររូបរាង។
• ហើមសុដន់ ៖ ជាសញ្ញានៃការរលាកសុដន់ រួមនឹងសញ្ញាលើស្បែក ដូចជា ក្ដៅ ក្រហម ឈឺ និងតឹងពេលប៉ះ។
• រឹងក និងស្មា ៖ ដោយសារការរាលដាលទៅឆ្អឹងកងខ្នង ឬស្មា វាធ្វើអោយឈឺនៅតំបន់នោះ។
• ផ្លាស់ប្ដូរទំហំសុដន់ ៖ ដោយសារការផ្លាស់ប្ដូរទំហំ និង រូបរាងរបស់ដុំសាច់ អ្នកអាចរកឃើញដោយខ្លួនឯង។
• ការឡើងរឹងសុដន់ ៖ ដោយសារការវិវឌ្ឍន៍របស់ដុំសាច់ កើតឡើងពេលគេង និងពេលកកិតជាមួយអាវទ្រនាប់។
• ការហូរសារធាតុរាវពីក្បាលសុដន់ ៖ ការហើមសុដន់ បានធ្វើអោយមានការវិវត្តនៃបំពង់ទឹកដោះ ដែលនាំអោយហូរទឹកដោះ ទឹករងៃ និង ឈាមចេញពីក្បាលដោះ។
• បាត់រំញោចក្បាលដោះ ៖ ដោយសារដុំសាច់ ស្ថិតក្រោមជាលិកាក្បាលដោះ។
• ផ្លាស់ប្ដូរទំហំក្បាលដោះ ៖ ដោយសារដុំសាច់ ស្ថិតក្រោមជាលិកាក្បាលដោះ វាអាចលឹបចូលក្នុង ឬប៉ោងឡើង ឬរូរាងមិនដូចគ្នា។
• ខួចជាលិកាសុដន់ ៖ ស្បែកឡើងក្រាស់ ហើយក្រហម ឬខួចចូលក្នុង ឬដូចស្បែកក្រូច៕
ផ្តល់សិទ្ធិដោយ www.health.com.kh © រក្សាសិទ្ធិដោយ thmeythmey.com