ព័ត៍មានសុខភាព
សុខភាព៖ វិធីព្យាបាលការក្អក ដ៏មានប្រសិទ្ធភាព
× ការក្អក គឺជាស្ថានភាពដែលរំខាន ដល់មនុស្សភាគច្រើន។ វាជាជំងឺដែលពិបាកព្យាបាល ទោះបីពិសារថ្នាំយ៉ាងណាក៏មិនងាយនឹងជាដែរ។ ប៉ុន្តែ អ្នកគួរតែសាកល្បងជ្រើសរើស វិធីព្យាបាលតាមបែបធម្មជាតិ ថាមិនត្រូវ អ្នកអាចជាសះស្បើយបានយ៉ាងលឿន។
1. ពិសារទឹកឲ្យបានច្រើន ព្រោះនៅពេលក្អក បំពង់កនឹងស្ងួត ហើយខ្លួនប្រាណក៏ត្រូវការទឹក ដើម្បីទ្រទ្រង់ដែរ។ អ្នកអាចពិសារមួយម៉ោងមួយដង វាអាចបំបាត់ការក្អកបាន។ ម្យ៉ាងទៀត អ្នកក៏អាចពិសារតែ ទឹកផ្លែឈើ ឬទឹកដោះគោជំនួសក៏បាន។
2. ត្រូវតែស្រូបយកខ្យល់អាកាសបរិសុទ្ធ មិនត្រូវហិតក្លិនបារី ក្លិនទឹកអប់ ឬក្លិនដែលធ្វើឲ្យប៉ះពាល់សុខភាព។ យកល្អ គឺត្រូវពាក់ម៉ាស ដើម្បីការពារកុំឲ្យមេរោគចូលបាន។
3. អាចប្រើស្ករក្អក មកព្យាបាលដូចជា ស្ករដែលមានជាតិក្រូចឆ្មារ ជាតិទឹកឃ្មុំ ឬខ្ញី។ វាអាចបំបាត់ការក្អក ដ៏មានប្រសិទ្ធភាពបំផុត។
4. គេងដាក់ខ្នើយរាងខ្ពស់ ទើបអាចដកដង្ហើមបានស្រួល មិនងាយក្អក។
5. អាចបរិភោគខ្ញី ឬទឹកខ្ញីឲ្យបានច្រើន ទើបអាចបន្ធូរការក្អកបាន។
ដូចនេះ អ្នកអាចសាកល្បងបាន ដោយធ្វើតាមវិធីខាងលើនេះ៕
ផ្តល់សិទ្ធិដោយ www.health.com.kh © រក្សាសិទ្ធិដោយ thmeythmey.com